54:19  19  SERMON  II  20  Bon  sainct  Esprit  a  ses  fideles,  qu'un  chacun  l'en  doit  remercier.  Or  par  cela  nous  voyons  quelle  malice  c'est,  que  nous  portions  envie  a  ceux  lesquels  Dieu  aura  ornez  de  ses  graces:  comme  le  plus  souvent  nous  voyons  que  les  hommes  sont  enclins  a  cela,  que  chacun  voudroit  avoir  tout  pour  soy.  Et  cependant  il  est  dit,  que  si  Dieu  a  mis  de  ses  graces  aux  autres,  qu'il  nous  faut  sentir  une  ioye  en  nos  coeurs,  comme  si  nous  avions  receu  tout  cela.  Et  de  faict,  si  nous  estions  bien  advisez,  nous  cognoistrons  que  nos  freres  ne  possedent  rien  qui  ne  reviene  a  nostre  profit  et  salut.  Selon  donc  que  Dieu  a  espandu  les  dons  de  son  Esprit  par  ci  et  par  la,  il  procure  nostre  profit  et  salut.  Et  voila  pourquoy  nous  sommes  tant  plus  tenus  de  luy  en  rendre  graces.  C'est  en  somme  ce  que  nous  avons  a  recueillir  de  ce  passage.  Et  pour  mieux  estre  confermez  en  ceste  doctrine,  notons  les  mots  dont  sainct  Paul  use.  Il  dit,  Selon  que  ie  fay  memoire  de  toy  incessamment  en  mes  prieres,  nuict  et  iour.  Tci  nous  voyons  ce  que  i'ay  desia  touche,  c'est  ascavoir  combien  sainct  Paul  a  eu  pour  recommande  le  salut  de  Timothee,  quand  sans  cesse  il  luy  en  souvenoit.  Mais  cependant  notons  aussi  que  les  prieres  de  sainct  Paul  estoyent  frequentes  :  car  il  dit,  En  mes  prieres,  nuict  et  iour.  Il  ne  luy  souvenoit  point  de  Timothee  en  ses  resveries,  comme  ceux  qui  aiment  charnellement,  se  souviendront  assez  de  leurs  amis,  voire  pour  boire  a  eux  en  leur  absence,  ou  pour  en  parler:  mais  l'amitie  chrestienne  ha  une  autre  chose  plus  grande,  c'est  quand  chacun  se  presente  a  Dieu,  et  que  la  nous  disons,  Nostre  Pere,  que  la  nous  pensons  a  ceux  ausquels  nous  sommes  conioints,  et  desquels  nous  ne  devons  point  nous  separer.  Et  quand  nous  ne  pourrons  faire  un  rolle  entier,  pour  le  moins  que  nous  prenions  les  especes,  et  que  nous  prions  Dieu  pour  ceux  qui  s'employent  a  son  service,  pour  ceux  ausquels  on  cognoist  qu'il  y  a  eu  zele,  et  d'autres  vertus  pour  glorifier  le  nom  de  Dieu:  que  nous  ayons  pitie  de  ceux  qui  travaillent,  et  qui  sont  tourmentez  au  milieu  des  ennemis  de  la  foy,  qui  sont  comme  povres  brebis  entre  les  loups,  que  nous  ayons  pitie  et  compassion  d'eux,  et  de  tous  ceux  qui  sont  en  quelque  necessite,  selon  que  nous  en  aurons  cognoissance,  que  nous  soyons  picquez  pour  les  presenter  devant  Dieu,  afin  qu'il  luy  plaise  de  les  secourir  selon  qu'il  voit  que  le  besoin  y  est.  Yoila  comme  il  nous  faut  monstrer  amis:  ce  n'est  point  pour  avoir  une  souvenance  selon  le  monde,  de  ceux  qui  nous  attouchent,  mais  sur  tout  que  nous  les  recommandions  a  Dieu  comme  sainct  Paul  en  parle  ici.  Et  cela  vaut  cent  mille  fois  mieux  que  toutes  les  amitiez  du  monde:  ce  n'est  qu'ordure  quand  les  hommes  s'aiment  ensemble,  et  qu'il  n'est  point  question  que  Dieu  soit  tesmoin  de