53:19  19  SERMON  II  20  dirons,  Dieu  est  nostre  Pere,  il  faut  que  d'un  coste  nous  monstrions  que  cela  ne  nous  appartient  pas  sinon  par  sa  pure  bonte  et  gratuite:  et  quand  nous  l'avons  ainsi  cognu  tous,  que  nous  concevions  aussi  quelle  est  sa  gloire  et  sa  maieste,  pour  luy  rendre  l'honneur  qui  luy  appartient  :  et  que  nous  scachions  aussi  que  nostre  Seigneur  Iesus  Christ  est  l'image  vive,  en  laquelle  nous  contemplons  Dieu  le  Pere,  voire  d'autant  qu'en  luy  sont  cachez  tous  les  thresors  de  sagesse  et  d'intelligence,  et  que  la  Dieu  nous  a  desploye  sa  bonte,  sa  iustice,  sa  sagesse  et  vertu  infinie:  que  quand  nous  avons  Iesus  Christ,  la  nous  scavons  que  Dieu  se  veut  approcher  de  nous.  Quand  donc  les  choses  sont  deduites,  et  que  tousiours  nous  taschons  de  rendre  l'Escriture  fami*  liere,  tellement  que  nous  cognoissons  que  c'est  Dieu  qui  parle  a  nous,  voila  les  deux  choses  qui  sont  contenues  en  la  doctrine.  Or  i'ay  dit  que  S.  Paul  en  ce  passage  ne  veut  point  qu'on  presume  d'enseigner  autrement  qu'il  n'avoit  fait,  et  que  ne  faisoit  encores  pour  ce  temps-la  Timothee,  qui  estoit  du  tout  conforme  a  luy.  Et  pourquoy?  Car  si  on  change  la  substance  pour  abolir  toute  la  verite  de  Dieu  (comme  les  Sorbonistes,  quand  ils  bastissent  des  sausses  doctrines  qui  sont  du  tout  repugnantes  a  la  vraye  foy),  voila  comme  le  mensonge  regnera  au  lieu  de  la  verite��  II  y  a  un  autre  mal  qui  ne  semble  pas  estre  grand:  et  de  faict,  on  ne  le  cognoist  pas  estre  tel  de  prime  face,  mais  si  est-ce  une  peste  mortelle  quoy  qu'il  en  soit,  c'est  ascavoir  quand  les  choses  sont  tellement  desguisees,  qu'on  ne  scait  qu'on  veut  dire,  que  les  gens  qui  sont  menez  d'ambition  auront  seulement  un  babil  et  langage  exquis,  ils  auront  des  speculations  si  ie  ne  scay  quelles,  qu'on  n'y  pourra  rien  mordre.  Toila  comme  nous  devons  prendre  ce  que  dit  ici  sainct  Paul.  Maintenant  nous  avons  desia  quelque  ouverture  pour  scavoir  quelle  est  l'intention  de  l'Apostre,  c'est  ascavoir  qu'on  se  tiene  a  la  pure  simplicite  de  laquelle  il  avoit  monstre  l'exemple.  Et  c'est  pourquoy  en  la  seconde  epistre  que  nous  verrons,  il  commande  d'ensuivre  la  pourtraiture  et  comme  l'effigie  vive  de  la  doctrine  qu'on  avoit  ouye  de  luy.  Sainct  Paul  ne  se  contente  pas  que  Timothee  presche,  et  qu'il  annonce  la  doctrine,  qu'il  continue  tousiours  a  enseigner  le  peuple  comme  il  avoit  commence,  mais  il  luy  dit,  qu'il  faut  qu'il  se  conforme  en  tout  et  par  tout  a  ceste  image  vive,  et  a  ce  patron  lequel  il  tenoit  de  luy.  Nous  cognoistrons  mieux  par  l'usage  et  par  la  prattique  ce  que  sainct  Paul  a  entendu.  Nous  verrons  quelques  fois  que  les  heretiques  vienent  du  tout  renverser  les  fondemens  de  nostre  foy.  Comme  quoy?  Si  l'un  nie  que  nostre  Seigneur  Iesus  Christ  soit  Dieu  eternel,  d'une  mesme  essence  avec  Dieu  son  Pere,