52:19  19  EPIST.  PAULI  AD  PHILIPPENSES  20  profani  homines  abolitionem  hominis  vocant,  quasi  totus  intereat.  Paulus  hic  nos  commonefacit,  mortem  esse  solutionem  animae  a  corpore.  Et  hoc  melius  continuo  post  exprimit,  dicens  quae  post  mortem  fideles  conditio  maneat,  ut  scilicet  cum  Christo  habitent  Sumus  etiam  cum  Christo  in  hac  vita,  quatenus  regnum  Dei  intra  nos  est,  et  Christus  in  nobis  habitat  per  fidem,  seque  nobis  adfuturum  pollicitus  est  usque  ad  finem  mundi:  sed  praesentiam  illam  spe  tantum  percipimus.  Ideo  quoad  sensum  nostrum,  dicimur  nunc  ab  ipso  peregrinari.  Vide  2.  Corinth.  5,  6.  Valet  hic  locus  ad  refellendum  eorum  deliramentum,  qui  animas  a  corporibus  divisas  dormire  somniant  Nam  Paulus  aperte  testatur,  nos  frui  Christi  praesentia  quum  dissolvimur.  25.  Atque  hoc  confisus.  Quidam,  quia  absurdum  videbatur  fateri  apostolum  frustratum  esse  sua  exspectatione,  existimant  postea  ex  vinculis  fuisse  liberatum  multasque  orbis  regiones  perlustrasse  :  sed  frustra  id  timent.  Spes  enim  suas  sancti  ex  Dei  verbo  moderari  solent,  ut  non  plus  animis  praesumant,  quam  Deus  promisit.  Ita  ubi  certum  habent  divinae  voluntatis  testimonium,  illic  certa  quoque  persuasione  nituntur,  quae  nihil  admittit  dubitationis.  Talis  est  de  perpetua  remissione  peccatorum,  de  auxilio  spiritus  ad  gratiam  finalis  (quam  vocant)  perseverantiae,  de  resurrectione  carnis.  Talis  etiam  fuit  prophetarum  de  suis  vaticiniis  certitudo.  In  reliquis  nihil  nisi  sub  conditione  sperant:  ideoque  eventus  omnes  subiiciunt  Dei  providentiae,  cui  permittunt  acutius  videre  quam  sibi.  Manere  significat  hic  aliquantisper:  permanere,  ad  longum  tempus.  26.  Ut  gloriatio  vestra.  Pro  eo  quod  dicit  iv  e|AOt,  ego  transtuli  de  me:  quia  bis  repetitur  praepositio  in  diverso  sensu.  Nemo  certe  negabit  quin  fideliter  expresserint  mentem  Pauli.  Quod  autem  alii  dicunt  per  Christum,  non  probo.  Nam  in  Christo  positum  est  pro  secundum  Christum,  vel  christiane:  ut  speciem  gloriationis  sanctam  ostenderet.  Alioqui  enim  in  solo  Deo  iubemur  gloriari.  Ideo  obiici  Paulo  a  malevolis  poterat,  Qui  licet  Philippensibus  de  te  gloriari?  Hanc  calumniam  anticipat  quum  dicit,  secundum  Christum  id  facturos,  gloriantes  scilicet  de  Christi  servo  in  Domini  gloriam:  idque  ratione  doctrinae  magis  quam  hominis  et  adversus  pseudoapostolos:  qualiter  David  se  cum  hypocritis  conferendo  iactat  suas  iustitias.  27.  Tantum  digne  evangelio  Christi  conversamini:  nt  sive  veniens  videam  vos:  sive  absens  audiam  de  vobis  quod  stetis  in  uno  spiritu,  una  anima,  concertantes  fide  evangelii,  28.  nec  ulla  in  re  terreamini  ab  advenariis,  quae  illis  est  demonstratio  exitii:  vobis  autem  salutis,  idque  a  Deo.  29.  Quia  vobis  donatum  est  pro  Christo  non  tantum  ut  in  illum  credatis,  sed