51:19  19  SERMONS  20  qu'a  tout  mal,  et  cependant  ils  taschent  la  bride  a  tous  leurs  appetis,  ils  font  la  guerre  a  Dieu,  et  toute  leur  vie  n'est  qu'une  rebellion:  et  c'est  pour  monstrer  que  te  diable  possede  tellement  toutes  nos  affections  que  Dieu  ne  peut  chevir  de  nous,  iusques  a  ce  que  nous  ayons  abbatu  ce  qui  est  de  nostre  naturel.  Or  maintenant  nous  scavons  que  celuy  qui  aime  ses  prochains,  il  ne  cerche  pas  ce  qui  luy  est  propre:  il  n'est  point  addonne  a  soy.  Voila  donc  une  vraye  et  certaine  approbation  que  nous  desirons  d'estre  obeissans  a  Dieu,  et  reigler  nostre  vie  a  sa  parole.  Et  aussi  nostre  Seigneur  Iesus  commence  par  ce  bout,  quand  il  nous  veut  monstrer  en  brief  quelle  est  sa  doctrine:  C'est  (dit-il)  que  nous  apprenions  de  renoncer  chacun  a  soy.  Car  cependant  que  nous  suyvrons  nostre  train,  il  faudra  que  nous  allions  tout  au  rebours  de  la  yolonte  de  Dieu.  Ainsi  ce  n'est  point  sans  cause  que  sainct  Paul  en  ce  passage  dit  que  toute  la  Loy  gist  en  ce  poinct,  c'est  que  nous  aimions  nos  prochains.  Or  il  nous  faut  noter  que  Dieu  par  ce  mot  de  Prochain  n'entend  pas  ceux  qui  nous  sont  parens  ou  amis,  desquels  nous  esperons  quelque  profit  ou  avantage,  lesquels  ont  desservi  envers  nous  aucune  recompense:  mais  il  veut  que  nous  regardions  a  la  conionction  qu'il  a  mise  entre  nous.  Nous  sommes  donc  tous  formez  a  l'image  de  Dieu,  nous  portons  sa  marque:  et  puis  il  y  a  une  nature  commune,  laquelle  nous  doit  tenir  en  vraye  union  et  fraternite.  Or  beaucoup  s'en  rendent  indignes:  car  les  uns  sont  pleins  de  fraude  et  de  malice,  comme  des  renards:  les  autres  sont  pleins  de  fierte  comme  lions:  les  autres  sont  comme  loups  ravissans  qui  ne  cerchent  qu'a  engloutir  tout,  les  autres  font  beaucoup  de  torts  et  de  nuisances:  tous  ceux-la  donc  se  retranchent,  en  tant  qu'en  eux  est,  du  reng  et  de  la  compagnie  des  prochains:  mais  nous  avons  ici  a  observer  l'ordre  de  Dieu.  Et  combien  que  les  hommes  de  leur  coste  ne  meritent  pas  d'estre  reputez  et  tenus  pour  prochains,  toutesfois  quand  n  ous  leur  porterons  amour,  en  cela  nous  monstrons  que  c'est  bien  raison  que  Dieu  surmonte  toute  nostre  malice.  Nous  voyons  donc  comme  ceux  qui  nous  sont  ennemis,  qui  ne  taschent  sinon  a  nous  gour*  mander,  ne  laissent  pas  quant  a  Tordre  que  Dieu  a  establi,  d'estre  nos  prochains.  Et  voila  pourquoy  aussi  nostre  Seigneur  Iesus  Christ  monstre  que  ce  n'est  point  charite  quand  nous  rendons  la  pareille  a  celuy  duquel  nous  avons  receu  quelque  bien  et  service,  et  que  nous  aimons  aussi  ceux  qui  nous  viennent  a  gre,  et  desquels  nous  attendons  quelque  profit:  car  les  Payens  on  font  bien  autant,  et  ils  ne  le  font  pas  pour  obeir  a  Dieu  ni  a  la  Loy:  et  aussi  cela  est  plustost  s'aimer  soy-mesmes  quand  nous  avons  esgard  a  nostre  profit,  il  n'y  a  point