5:19  DE  CLEMENTIA  epexegesin.  Quod  ad  praesens,  inquit,  tanquam  in  manu  datur,  iucundius  est.  Rem  ergo  certam  eleganter  dicimus  in  manu  positam,  quasi  manu  comprehensam.  Dicitur  et  in  manibus,  et  ad  manum,  et  prae  manibus,  et  sub  manu,  et  inter  manus.  Duo  postrema  rariora  sunt,  ideo  exempla  subiiciam.  Seneca  ad  Lucilium:  Consilium  nasci  sub  die  debet:  hoc  quoque  tardum  est:  sub  manu,  ut  aiunt,  consilium  nascatur.  Et  Tranquillus  in  Augusto:  Quo  celerius,  et  sub  manu  annunciari  cognoscique  posset  quod  in  provincia  quaque  gereretur,  invenes  primo  modicis  intervallis  per  militares  vias,  dehinc  vehicula  disposuit.  Vergilius  Aeneidos  XL:  Caetera  qua  rerum  iaceant  perculsa  ruina,  Ante  oculos,  interque  manus  sunt  omnia  vestras.  Dicit  ergo  Nero,  in  facili  sibi  esse  locupletare  quoslibet,  et  quoslibet  etiam  fortunis  spoliare.  Possumus  etiam  interpretari  manum  pro  imperio  aut  arbitrio,  qualiter  illud  a  Tranquillo  dictum  in  Nerone:  Omnia  se  facienda  fecisse,  sed  eventum  in  manu  esse  fortunae.  Idem  tamen  erit  sensus.  Quid  cuique  mortalium  fortuna]  Hic  manifestum  fit  principem  nihil  aliud  esse  quam  fortunae  organum:  caius  manu  et  ministerio  sursum  deorsum  omnia  versat.  Fortunae  nomen  pro  deo  posuit,  usitatum  magis  quam  proprium.  Nihil  enim  fortuitum  iii*  qui  necessitati  omnia  subiiciunt.  At  verbo  pronunciandi  apposite  usus  est,  quod  statuere  et  decernere  significat  eum  qui  habet  iurisdictionem.  Et  nostro  responso  laetitiae  causas  populi]  Hoc  referendum  ad  gentium  legatos,  internuncios  et  interpretes  societatis  coeundae  cum  populo  romano.  Fuit  enim  magnum  illud  imperium  romanum,  vere  magnum  latrocinium:  cui  stipendium  pendebant  populi  bello  subiugati:  et  qui  foedus  malebant  percutere,  magno  redimebant  ambitiosam  illam  societatem,  non  longe  a  servitute  positam.  Haec  tot  millia]  Quod  est  apud  Plautum  in  aliam  sententiam,  verissime  de  imperatore  romano  praedicari  poterit:  1)  Esse  scilicet  Iovem  quendam  terrenum,  qui  nutu  suo  orientem  et  occidentem  tremefaceret.  Nam  ut  ait  Ovidius  Fastorum  IL:  Hoc  duce  romanum  est  solis  utrumque  latus,  et  alibi:  Romanae  spatium  e>t  urbis  et  orbis  idem.  Observanda  est  dispositio.  Primum  sibi  arrogavit  ius  in  privatas  omnium  facultates,  [pag.  8]  deinde  in  civitates  et  populos;  nunc  descendit  ad  enumerationem  specierum,  quomodo  suo  responso  laetitiae  causas  populi  urbesque  concipiant.  Ad  nutum  meum  stringentur]  Ἐμφατικῶς  posuit  nutum,  quum  satis  esset  iussum  dicere.  Sed  hoc  1)  Edd.  recentiores:  poterat.