49:19  19  EPIST.  PAULI  AD  ROMANOS  20  Deinde1)  rudes  minime  aut  esse  arcendos  ab  hac  schola,  aut  ipsos  inani  formidine  debere  refugere.  Nam  si  illis  debuit  Paulus,  ac  optimae  fidei  debitor  suisse  credendus  est,  persolvit  nimirum  quod  debebat.  Quare  hic  reperient  cuius  fruendi  capaces  erunt.  Habent  et  hic  regulam  omnes  doctores  quam  sequantur,  hoc  est  ut  rudibus  quoque  et  idiotis  modeste  se  et  comiter  attemperent.  Hinc  fiet  ut  aequiore  animo  perferant  plurimas  ineptias,  et  innumera  prope  fastidia  devorent,  quibus  alioqui  possent  succumbere.  Sic  tamen  meminerint  se  stultis  esse  obstrictos,  ut  eorum  stultitiam  immodica  indulgentia  non  foveant.  15.  Ita  quantum  in  me  est.  Concludit  quod  hactenus  dixerat  de  suo  desiderio.  Quoniam  officii  sui  esse  videret,  inter  eos  evangelium  spargere  ad  fructum  Domino  colligendum  :  cupere  se  Dei  vocationi  satisfacere  quatenus  a  Domino  permitteretur.  16.  Non  enim  pudet  me  evangelii  Christi:  quandoquidem  potentia  est  Dei,  in  salutem  omni  credenti:  Iudaeo  primum,  deinde  Graeco.  17.  Nam  iustitia  Dei  in  eo  revelatur  ex  fide  in  fidem7  sicut  scriptum  est:  Iustus  ex  fide  sua  vivet  16.  Non  me  pudet  Prolepsis  est,  qua  ludibria  impiorum  se  non  morari  praedicit.  In  qua  tamen  obiter  transitum  sibi  facit  ad  commendandam  evangelii  dignitatem,  ne  contemptibile  Romanis  foret.  Innuit  quidem,  ipsum  coram  mundo  esse  contemptibile,  dum  ait  se  non  pudefieri.  Atque  ita  iam  eos  praeparat  ad  ferendam  crucis  Christi  contumeliam,  ne  minoris  aestiment  evangelium  dum  sannis  et  opprobriis  impiorum  obnoxium  videbunt:  sed  ex  adverso  demonstrat  quantum  habeat  excellentiae  apud  fideles.  Primum  si  magnifieri  debet  a  nobis  Dei  potentia,  ea  elucet  in  evangelio.  Si  bonitas  digna  est  quae  expetatur  et  ametur,  evangelium  est  eius  bonitatis  instrumentum.  Merito  ergo  et  colendum  et  honorandum  est,  siquidem  potentiae  Dei  debetur  veneratio:  quatenus  vero  saluti  nostrae  servit,  amabile  nobis  esse  oportet.  Observa  autem  quantum  verbi  ministerio  tribuat  Paulus  quum  testatur  Deum  illic  suam  ad  salvandum  virtutem  exserere.  Non  enim  de  arcana  aliqua  revelatione,  sed  vocali  praedicatione  hic  loquitur.  Unde  sequitur,  eos  quasi  data  opera  respuere  Dei  virtutem:  et  liberatricem  eius  manum  procul  a  se  repellere^  qui  se  a  praedicationis  auditu  subducunt  Verum  quia  non  operatur  in  omnibus  efficaciter,  sed  tantum  ubi  spiritus  interior  magister  cordibus  illucet:  ideo  subiicit  omni  credenti.  Offertur  quidem  evangelium  omnibus  in  salutem:  sed  non  ubique  apparet  eius  potentia.  Quod  autem  impiis  est  odor  mortis,  id  non  tam  ab  eius  natura  *)  Add.  nec.