46:19  19  HARMONIE  EVANGELIQUE.  20  hommes  ont  voulu  servir  Dieu  a  lent  poste.  Cela  donc  est  tout  abatu:  et  nous  est  monstre  qu'il  n'y  a  sainctete,  il  n'y  a  vertu  ne  iustice  qui  soit  advouee  et  recognue  pour  telle  devant  Dieu,  sinon  l'obeissance  de  sa  Loy:  c'est  a  dire,  quand  nous  marchons  par  le  chemin  qu'il  nous  monstre,  sans  decliner  ni  a  dextre  ni  a.  gauche,  et  que  nous  persiston8  en  cela,  que  nous  n'attentons  rien  de  nostre  teste,  mais  que  Dieu  aura  toute  domination,  et  superiorite  par  dessus  nous.  Voyla  (di-ie)  ce  que  nous  avons  a  retenir.  Et  d'autant  plus  nous  faut-il  bien  noter  ce  poinct,  que  nous  voyons  que  le  monde  s'est  des  voye  a  toutes  superstitions  et  idolatries,  pour  n'avoir  point  suyvi  ceste  regle.  Car  auiourd'huy  comment  est-ce  que  les  Papistes  provoquent  Dieu  en  toutes  leurs  observations,  et  qu'ils  ne  font  que  se  polluer  en  superstitions?  D'autant  plus  qu'ils  sont  devots,  ils  sont  enflambez  en  rage  diabolique.  Or  Dieu  reprouve  tout  ce  qu'ils  font,  et  il  faut  aussi  que  tout  ce  qu'ils  ont  ainsi  controuve  soit  reiette  de  luy,  comme  s'ils  avoyent  servi  a  Satan.  Et  dont  est  venu  cela,  veu  que  l'Evangile  avoit  este  presche  par  tout  le  monde?  Pource  qu'ils  ont  eu  ceste  audace  et  temerite,  de  vouloir  .servir  Dieu  selon  que  bon  leur  sembloit.  Et  voyla  dont  sont  venues  toutes  les  bonnes  intentions,  pour  mener,  voire  precipiter  les  povres  ames  en  enfer.  Voyla  donc  pourquoy  i'ay  dit  qu'il  nous  faut  bien  noter  ce  mot,  qu'il  n?y  a  autre  iustice  devant  Dieu,  ne  qui  luy  soit  agreable,  sinon  que  nous  cheminions  en  ses  commandemens,  et  que  nous  ayons  sa  Loy  pour  nostre  reigle,  et  que  chacun  se  deporte  de  son  cuider,  et  de  son  intelligence:  que  tout  cela  soit  mis  bas,  et  sous  le  pied,  et  que  la  Loy  de  Dieu  nous  gouverne  paisiblement,  et  que  ce  soit  nostre  ioug.  Voyla  donc  en  somme  comme  ces  deux  choses  sont  coniointes:  c'est  a  scavoir  la  iustice,  et  l'observation  de  la  Loy  de  Dieu.  Or  cependant,  on  pourroit  trouver  estrange  qu'il  est  dit,  que  Zacharie  et  Elizabeth  estoyent  irreprehensibles.  Car  s'il  estoit  dit,  Devant  les  hommes,  cela  encores  passeroit:  pource  qu'il  y  en  a  beaucoup  qui  se  maintiennent  si  honnestement,  qu'on  ne  trouve  que  redire  en  eux,  et  mesme  ils  meritent  louange  devant  le  monde.  Mais  quant  a  Dieu,  comment  a-il  este  possible  que  Zacharie  et  sa  femme  Elizabeth  ayent  este  ainsi  irreprehensibles?  Car  il  nous  faut  tenir  ceste  regle-la,  que  nul  vivant  ne  se  trouvera  iuste  devant  Dieu:  et  quand  il  seroit  question  d'entrer  en  conte,  que  nous  serions  tous  confus,  et  qu'il  nous  faut  avoir  nostre  refuge  a.  ceste  priere  que  fait  David,  que  Dieu  ne  nous  iuge  pas  selon  que  nous  l'avons  desservi.  Yoyla  donc  une  regle  infallible.  Or  cependant  nous  avons  a  noter  que  Dieu  apres  avoir  condamne  tous  hommes  en  general,  grans  et  petis  sans  exception,