43:19  19  IN  AMOS  20  nomen  ipsum  esse  abolendum,  quia  si  staret  populus  Moab,  manerent  etiam  aliqui  principes  residui,  ut  necesse  est,  quemadmodum  diximus.  Exstinctis  ergo  principibus,  necesse  est  etiam  populum  ipsum  perire,  ita  ut  nulla  sit  residua  salus.  Non  ergo  temporalem  poenam  hic  propheta  Moabitis  denuntiat,  sed  ultimum  exitium,  ex  quo  nunquam  resurgant.  Haec  summa  est.  Nunc  pergamus:  4.  Sic  dicit  Iehova^  Super  tribus  sceleribus  Iehudah,  et  super  quatuor  non  convertam  eum,  quia  spreverunt  (vel  abiecerunt)  legem  Iehovae^  et  statuta  eius  non  custodierunt:  et  errare  eos  fecerunt  mendacia  sua,  post  quae  ambulaverunt  patres  ipsorum.  5.  Et  mittam  ignem  in  Iehudah,  qui  devorabit  palatia  Ierusalem*  Hic  iam  incipit  Amos  sermonem  convertere  ad  tribum  Iehudah  et  regnum  illud  quod  adhuc  manebat  in  familia  Davidis.  Hactenus  verba  fecit  de  profanis  et  incircumcisis  gentibus:  fuit  hoc  praeludium  excidii,  quod  instabat  electo  populo:  quia  quum  Deus  non  parceret  caeteris,  qui  per  ignorantiam  peccaverant,  quid  futurum  erat  de  populo  Israel,  qui  edoctus  fuerat  in  legis  doctrina?  Servus  enim  sciens  voluntatem  Domini  sui,  et  non  faciens  eam,  dignus  est  qui  longe  gravius  vapulet.  Non  potuit  igitur  Deus  ignoscere  filiis  Abrahae,  quos  sibi  in  populum  peculiarem  adoptaverat:  quum  tam  graves  poenas  exigeret  de  gentibus  profanis,  in  quibus  excusabilis  erat  ignorantia,  quemadmodum  solet  fieri  inter  homines.  Verum  quidem  est  iuste  perituros  omnes  qui  lege  carent,  quemadmodum  dicit  Paulus  2.  ad  Rom.  cap.  Sed  si  fiat  comparatio  inter  filios  Israel  et  miseras  gentes,  quae  in  suis  erroribus  demersae  erant,  certe  dignae  erant  venia  prae  illo  populo,  qui  suam  contumaciam  prodiderat,  quasi  ex  professo  vellet  Dei  vindictam  in  se  accersere.  Quum  ergo  hactenus  concionatus  sit  propheta  de  gentibus,  nunc  tandem  ad  populum  electum  et  filios  Abrahae  sermonem  convertit.  Sed  loquitur  de  tribu  Iehudah,  ex  qua  ipse  erat  oriundus,  quemadmodum  dixi  initio,  ne  scilicet  quispiam  obiiceret  illum  blandiri  suis  popularibus.  Migraverat  enim  in  regnum  Israel:  erat  illic  inquilinus.  Iam  videbimus  quam  severe  illos  coarguerit.  Si  ergo  tacuisset  de  tribu  Iehudah,  poterat  obnoxius  esse  calumniae.  Dixissent  enim  permulti  illum  colludere  cum  suis  popularibus,  et  tegere  ipsorum  flagitia:  interim  acriter  invehi  in  vicinos,  id  fieri  prava  aemulatione,  quod  scilicet  cuperet  iterum  transferre  regnum  in  familiam  Davidis.  Ne  ergo  talis  aliqua  suspicio  maculam  adspergeret  doctrinae,  propheta  hic  in  iudicium  vocat  regnum  Iehudah,  et  nihilo  mitius  de  Iudaeis  loquitur  quam  de  aliis  populis.  Dicit  enim  ipsos  etiam  sua  pervicacia  sic  provocasse