41:19  19  PRAELECTIONES  20  Non  dubium  est,  quin  Dei  consilio  hoo  factum  fuerit,  ut  proceres  suis  annulis  obsignarent  lapidem,  quo  clausum  fuit  os  speluncae,  quo  scilicet  illustrius  deinde  foret  miraculum.  Quando  enim  postridie  rex  accessit,  integri  erant  annuli:  hoc  est,  obsignationes  manebant  integrae.  Hinc  apparuit  non  arte  hominum  fuisse  servum  Dei  incolumem,  sed  coelesti  auxilio.  Interea  videmus,  quam  audacter  regem  coegerint  proceres  ad  omnia  sua  placita.  Nam  poterat  videri  plus  satis  defunctus,  quum  hominem  sibi  earum  et  fidelem  ipsis  traderet,  et  quum  iuberet  proiici  in  speluncam  leonum.  Non  sunt  tamen  contenti  hac  regis  facilitate:  unum  adhuc  ab  eo  extorquent,  nempe  ut  claudatur  os  speluncae:  deinde  lapidem  omnes  obsignent,  ne  quis  Danielem  eripiat.  Videmus  ubi  semel  erepta  est  libertas,  nullum  esse  finem  :  praesertim  ubi  sua  culpa  quispiam  servus  factus  est,  vel  se  addixit  improborum  arbitrio.  Nam  initio  non  praevalebit  tanta  servitus,  ut  hoc  et  illud  faciat,  vel  quidquid  mandatum  fuerit,  qui  videtur  esse  liber:  sed  ubi  se  addixit  in  servitutem,  quemadmodum  iam  dixi,  cogitur  iterum,  et  secundo,  et  absque  fine  et  modo  peccare.  Exempli  gratia:  si  quis  ab  officio  vel  metu  hominum,  vel  adulatione,  vel  alio  pravo  affectu  declinet,  hoc  et  illud  concedet,  ubi  non  tantum  rogatus  fuerit,  sed  importune  coactus.  Ubi  autem  semel  se  abdicaverit  libertate,  quemadmodum  iam  dixi,  cogetur  etiam  pudenda  quaeque  admittere  pro  cuiusque  nutu.  Sit  quispiam  doctor  in  ecclesia  aut  pastor,  ambitiose  huc  vel  illuc  deflectat:  qui  hoc  ab  eo  impetraverit,  veniet  ad  eum  secundo,  Quid?  audesne  mihi  negare?  Heri,  vel  nudiustertius  nonne  hoc  abs  te  impetravi,  et  illud?  Sic  cogetur  secundo  peccare  in  eius  gratiam,  cui  se  addixit,  tertio  etiam  cogetur  peccare,  et  usque  ad  finem,  imo  sine  fine.  Sic  etiam  principes,  qui  non  modo  liberi  sunt,  sed  aliis  dominantur,  si  mala  conscientia  sinant  se  vinci,  abdicant  se  omni  autoritate,  et  trahuntur  in  omnes  partes  pro  libidine  subditorum.  Hoc  igitur  exemplum  nobis  proponitur  in  rege  Dario,  qui  postquam  addixit  iniustae  poenae  Danielem,  etiam  hoc  adiungit,  nempe  ut  claudatur  spelunca:  deinde  ut  lapis  obsignetur.  Et  in  quem  finem?  nempe  ne  placitum  mutetur,  hoc  est,  ne  ipse  audeat  quidquam  tentare  circa  Danielem.  Videmus  ergo  ut  rex  subiiciat  se  maximo  probro,  quia  primo  abrogatur  ei  fides  a  proceribus,  ac  si  negarent  ei  se  credituros,  etiamsi  iussisset  Danielem  proiici  in  speluncam  leonum,  sed  cautionem  se  exigere,  ne  eum  eriperet:  nec  passuros  quidquam  ab  eo  tentari.  Videmus  ergo  ut  contumeliose  fidem  regi  suo  detrahant:  deinde,  ut  sibi  usurpent  imperium  adversus  eum,  ne  audeat  lapidem  attollere,  qui  erat  obsignatus,  nisi  velit  incurrere  falsi  crimen,  quod  corruperit  publicas  obsignationes,  ac  si  violasset  publicas  tabulas,  et  esset  falsarius.