40:19  19  PROLEGOMENA.  Etiam  hunc  prophetam  Calvinus  coetui  ecclesiastico  per  longam  seriem  concionum  explicavit.  Et  quidem  exstabant  olim  integrae  tribus  voluminibus  comprehensae,  ut  colligimus  ex  notitia  manu  scripta  bibliothecae  Genevensis:  Item  sur  le  Prophete  Ezechiel  174  sermons  comprins  en  trois  volumes  assavoir  le  premier  contenant  55  sermons,  le  second  50  et  le  tiers  et  dernier  69,  suivans  et  consequuti^  en  ordre,  commencee  le  lundi  21  jour  de  Novembre  1552,  Ex  quibus  primum  et  tertium  tomum  solos  ibidem  vidimus,  illum  401  foliorum,  hunc  584.  In  priore  continentur  sermones  a  die  21  Nov.  1552  ad  14  April,  habiti,  in  posteriore  illi  qui  Cap.  22  prophetae  ad  finem  libri  tractant,  inde  a  Cal.  Sept.  1553  ad  21  Febr.  1554.  In  alio  volumine  inter  plures  Calvini  et  Vireti  conciones  exstant  septem  Nostri  super  nonnullas  partes  Oapp.  II.  III.  XVIII.  XX.  et  XXII.  Nos  quidem  satis  habemus  tibi  hanc  fodinam  indicasse,  tu  si  ea  exhausta  operae  pretium  facturus  tibi  forte  videberis,  quidquid  inde  vel  commodi  vel  laudis  redundabit  eo  fruaris  per  nos  licet  dudum  in  his  laboribus  defatigatos.