39:19  19  PRAELECTIONES  20  22.  Et  dedisti  illis  terram  hanc  quam  iuraveras  patribus  eorum  ad  dandum  ipsis  (hoc  est,  te  daturum  ipsis),  terram  fluentem  lacte  et  melle.  Hic  laudatur  terrae  foecunditas,  ut  minus  sit  excusabilis  populi  ingratitudo  in  ipsa  redemptione.  Iam  Deus  satis  superque  ipsos  sibi  obstrinxerat:  sed  ubi  accedit  tanta  opulentia  et  ubertas  terrae  duplicatur  liberalitas  Dei:  quae  arctiore  vinculo  et  sanctiore  populum  ad  obsequium  devinciat.  Ubi  autem  sepeliunt  utrumque  beneficium,  haec  est  extrema  impietas,  et  tanto  foedior  est  eorum  ingratitudo.  Videmus  ergo  quorsum  spectet  propheta,  ubi  dicit  terram  fuisse  datam  populo.  Causam  simul  exprimit  nempe  quia  olim  promissa  fuerat  eorum  patribus,  neque  tamen  hic  imaginari  convenit,  patres  quidquam  fuisse  promeritos,  sicut  Hieronymus  inscite  corrumpit  hunc  locum:  dicit  enim  non  fuisse  quidquam  debitum  populi  meritis,  sed  patres  tamen  fuisse  dignos  propter  virtutes  suas.  Atqui  scimus  foedus  Dei  fuisse  ab  initio  gratuitum.  Ergo  hic  significat  propheta  terram  non  fuisse  mercedem,  quae  debuerit  rependi  populi  operibus,  sed  ideo  datam  fuisse,  quia  gratis  promissa  fuerat.  Iusiurandum  vero  ponit,  quia  Deus  ut  consuleret  Abrahae  et  patrum  infirmitati,  interposito  iureiurando  sancivit  suam  promissionem.  Sed  quoniam  alibi  fusius  disserui  hac  de  re,  nunc  leviter  tantum  attingo.  Quoties  tamen  iusiurandi  fit  mentio,  sciamus  oblique  perstringi  hominum  vanitatem,  qui  semper  vacillant,  nec  possunt  recumbere  in  Dei  promissiones,  nisi  adiuti  hac  confirmatione.  Quidquid  sit,  propheta  hic  admonet,  Deum  fidem  praestitisse  quam  olim  patribus  dederat  ubi  populus  terram  ingressus  est,  quia  non  potuit  eam  adipisci  virtute  bellica,  neque  ullis  aliis  mediis.  In  summa,  revocat  Ieremias  populum  ad  memoriam  gratuiti  foederis,  ut  intelligat  se  non  alio  iure  terrae  esse  dominum,  nisi  quia  ultro  pollicitus  fuerat  Deus  Abrahae  et  semini  eius  terram  illam  se  daturum.  Praedicat,  sicut  nuper  dixi,  terrae  foecunditatem,  quia  modis  omnibus  allicere  voluit  Deus  populum  illum,  ut  maneret  in  obsequio.  Quum  autem  populus  adeo  liberaliter  tractatus  non  agnovit  Dei  gratiam,  hinc  convincitur  nimis  turpis  stupiditas.  Hoc  igitur  est  consilium  prophetae,  uberrimam  fuisse  hanc  terram,  in  qua  luxuriatus  est  populus,  et  Deum  tanti  beneficii  au  torem  contempsit,  quemadmodum  continuo  post  sequitur,  23.  Et  ingressi  sunt^  et  haereditate  adepti  sunt  eam:  et  non  audierunt  vocem  tuam  (ad  verbum,  in  voce  tua),  et  in  lege  tua  non  ambulaverunt  (hoc  est,  secundum  legem  tuam),  quaecunque  illis  praecepisti  ui  facerent  non  fecerunt:  ideo  occurrere  fecisti  illis  totum  malum  hoc.