38:19  19  PRAELECTIONES  20  bat  sibi  fore  in  promptu,  si  hostes  propius  urgerent.  Sequitur,  18.  Roborare  meum  (vel  quum  vellem  roborare  me)  super  dolorem:  super  me  cor  meum  infirmum  est.  Yarie  hanc  vocem  exponunt  Interpretes  TW^D.  Quidam  D  accipiunt  pro  3.  Sed  alii,  quibus  potius  subscribo,  putant  esse  notam  nominis.  Est  quidem  servilis  litera.  Nam  vox  haec  descendit  a  radice  ibi.  Sed  videtur  praefigi  haec  litera,  ut  indicet  esse  nomen,  sicut  n  in  .  fine  est  litera  servilis.  Significat  ergo  propheta  se  quaesisse  robur  super  dolore:  sed  cor  suum  fuisse  infirmum.  Non  dubium  mihi  est  quin  hoc  quoque  versu  in  medium  proferat  perversos  populi  affectus,  quod  scilicet  vellent  sua  pertinacia  a  se  depellere  omnes  poenas.  Neque  enim  hoc  potest  accipi  de  ipso  vel  eius  similibus.  Nam  scimus  quam  teneri  sint  Dei  cultores  ad  eius  iram.  Ut  enim  praevalet  Dei  timor  in  ipsorum  cordibus,  ita  etiam  facile  terrentur  et  expavescunt  ad  eius  iudicium.  Sed  hypocritae  et  profani  homines  semper  affectant  obdurescere,  quantum  in  se  est.  Ergo  sese  roborant  adversus  Deum,  et  putant  se  hoc  modo  fore  victores.  Quum  ita  contumaciter  certent  adversus  Deum,  propheta  hic  in  medium  proponit  quanta  fuerit  in  populo  durities,  Volui,  inquit,  roborare  me  super  dolorem:  atqui  cor  meum  super  me  infirmum  est,  hoc  est,  frustra  haec  remedia  tentantur:  frustra  hactenus  conati  estis  vos  roborare  et  quaesistis  munitiones  et  propugnacula  adversus  Deum:  nam  praevalebit  tandem  moeror  ipse,  quia  Dominus  addet  plagas  plagis,  ut  necesse  sit  vobis  tandem  succumbere.  Hoc  significat  quum  dicit  cor  suum  fuisse  infirmum  super  se.  Ego,  inquit,  oppressus  fui  dolore,  quum  tamen  putarem  mihi  fore  satis  animi  ad  resistendum.  Nam  ita  impii  viriliter  putant  se  agere,  dum  furiose  resistunt  Deo:  sed  tandem  experiuntur  ipso  eventu  frustra  se  quaerere  tale  robur:  Nam  cor  nostrum  infirmum  erit  super  nos,  inquit,  et  ipsa  debilitas  nos  tandem  opprimet  atque  obruet.  19.  Ecce  vox  clamoris  filiae  populi  mei  e  terra  longinqua,  An  Iehovah  non  est  in  Sion?  an  rex  eius  non  est  in  ea?  Quare  provocarunt  me  ad  iram  in  suis  sculptilibus?  in  vanitatibus  alieni?  Hoc  versu  propheta  suscipit  diversas  personas,  primum  cladem  denuntiat,  quae  tametsi  iam  erat  propinqua,  non  tamen  metuebatur  a  populo  :  deinde  repraesentat  populum  ipsum,  et  refert  quae  dicturus  erat.  Tertio  adiungit  responsionem  Dei  nomine,  quae  compescat  obstreperas  illas  voces  populi.  Quum  dicit  filiam  populi  sui  clamare,  referri  hoc