35:19  19  SERMON  CXX  20  que  les  ieunes  gens  portent  aux  plus  aagez  ne  doit  pas  empescher  que  tousiours  la  verite  ne  soit  maintenue,  que  Dieu  ne  soit  honore,  et  que  les  vices  ne  soyent  reprimez.  Oar  il  pourra  advenir  que  les  plus  aagez  seront  destituez  de  l'Esprit  de  Dieu,  ou  gens  malins  qui  n'auront  en  eux  que  fraude  et  desloyaute:  ou  bien  ce  seront  gens  opiniastres  ou  escervelez.  Alors  faut-il  que  les  ieunes  gens  soyent  tellement  retenus  sous  le  ioug,  que  par  l'autorite  des  anciens  ils  soyent  destournez  de  Dieu,  et  de  sa  parole,  et  de  ce  qui  est  bon  et  sainct?  Nenny.  Ains]  donc  notons  que  ceste  modestie  n'emporte  pas  que  les  ieunes  gens  s'abbrutissent,^  pour  ne  rien  iuger  ne  savoir:  mais  il  suffit  qu'ils  ne  presument  point  d'eux-mesmes,  pour  s'escarmoucher  et  ietter  leurs  escumes  devant  le  temps.  Qu'ils  escoutent,  qu'ils  soyent  dociles,  qu'ils  soyent  tousiours  prests  de  faire  silence,  quand  quelque  bon  propos  sera  mis  en  avant:  et  mesmes  qu'ils  se  gardent  d'occuper  la  place  d'autruy.  Ont-ils  fait  cela?  S'ils  voyent  que  les  anciens  ne  monstrent  pas  bon  exemple,  mesmes  qu'ils  pervertissent  le  bien  le  tournans  en  mal  :  alors  il  faut  (comme  i'ay  desia  dit)  que  l'Esprit  de  Dieu  se  monstre  ou  il  sera.  Comme  de  nostre  temps,  ceux  qui  avoyent  este  nourris  aux  superstitions  de  la  Papaute,  d'autant  plus  qu'ils  avoyent  vescu  au  monde,  tant  moins  avoyent-ils  de  doctrine.  Or  d'attendre  que  Dieu  se  fust  voulu  servir  d'eux,  il  n'estoit  pas  besoin:  ie  di  du  commun.  Voila  donc  les  gens  aagez  qui  avoyent  eu  longue  experience.  Mais  quoy?  Ils  ont  este  plongez  en  tenebres,  il  n'y  a  eu  nulle  cognoissance  de  Dieu,  nulle  purete  de  religion.  Qu'est-ce  donc  que  l'aage  pouvoit  apporter  a.  telles  gens,  sinon  une  opiniastrete  plus  grande?  Car  ils  ont  este  confits  en  erreurs,  ils  y  ont  este  adonnez  tellement  qu'il  sembloit  qu'il  n'y  eust  moyen  de  les  reduire.  Or  si  Dieu  a  voulu  appeler  des  ieunes  gens,  qui  fussent  pour  mettre  en  avant  sa  parole,  il  ne  falloit  pas  que  le  sainct  Esprit  fust  ainsi  bride,  et  que  les  ieunes  gens  ne  parlassent,  et  que  les  anciens  ne  fussent  prests  de  les  ouir.  Il  est  vray  que  Dieu  encores  s'est  voulu  servir  des  anciens,  comme  il  en  a  appelle  de  toutes  sortes  :  mais  tant  y  a  qu'il  a  declare  que  sa  verite  n'estoit  point  attachee  a  l'aage.  Ainsi  donc  nous  voyons  maintenant  quelle  modestie  doit  estre  en  tous  hommes  generalement,  et  aux  ieunes  sur  tout:  c'est  a  savoir  qu'ils  se  rendent  paisibles  pour  apprendre  tant  que  l'occasion  leur  sera  donnee,  et  qu'ils  n'appetent  point  de  se  faire  valoir,  qu'ils  n'ayent  point  une  folle  cupidite  de  monstre:  mais  qu'en  silence  ils  recoivent  ce  qui  sera  mis  en  avant  par  les  autres,  et  qu'ils  ne  se  prisent  pas  tellement  qu'ils  ne  cognoissent  qu'ils  ont  besoin  d'estre  conduits  et  gou-