31:19  19  20  dum,  quod  sibi  pretiosissimum  et  suavissimi  odoris  esse  pronunciat  Deus,  quomodo  rite  offerre  oporteat,  hic  etiam  ad  amussim  praescribitur.  Nusquam  magis  luculenta  tum  singularis  erga  ecclesiam  Dei  beneficentiae,  tum  omnium  eius  operum  praeconia  leguntur,  nusquam  tot  narrantur  liberationes,  vel  tam  splendide  ornantur  paternae  erga  nos  ipsius  providentiae  et  curae  documenta:  nusquam  denique  vel  Dei  laudandi  plenior  traditur  ratio,  vel  ad  praestandum  hoc  pietatis  officium  acrius  stimulamur.  Ad  haec,  quamvis  praeceptis,  quaecunque  ad  vitam  sancte  pie  iusteque  formandam  valent,  refertus  sit  liber,  praecipue  tamen  nos  ad  crucis  tolerantiam  instituet  :  quae  vera  est  obedientiae  probatio,  ubi  propriis,  affectibus  valere  iussis  Deo  nos  subiicimus,  patimurque  eius  arbitrio  vitam  nostmm  ita  gubernari,  ut  quae  nobis  acerbissimae  sunt  aerumnae,  quia  ab  ipso  proficiscuntur,  dulcescant.  Postremo  non  generalia  solum  recitantur  bonitatis  Dei  encomia,  quae  doceant  in  ipso  solo  acquiescendum,  ut  certum  in  omni  necessitate  ab  eo  auxilium  piae  mentes  exspectent:  sed  gratuita  peccatorum  remissio,  quae  sola  et  Deum  nobis  placat,  et  tranquillam  cum  eo  pacem  nobis  acquirit,  sic  commendatur,  ut  nihil  prorsus  desit  ad  scientiam  aeternae  salutis.  Caeterum,  si  labor  a  me  in  his  commentariis  sumptus  lectoribus  proderit,  sciant  mediocri  certaminum  (quibus  me  Dominus  exercuit)  experientia  me  non  mediocriter  fuisse  adiutum,  non  modo  ut  accommodarem  ad  praesentem  usum  quidquid  licuerat  doctrinae  colligere:  sed  ut  ad  consilium  scriptoris  cuiusque  psalmorum  intelligendum  familiarior  pateret  via.  Et  quum  inter  eos  praecipuus  sit  David,  ut  eius  querimonias  de  intestinis  ecclesiae  malis  plenius  cognoscerem,  mihi  non  parum  profuit,  eadem  quae  ipse  deplorat  aut  similia  perpessum  esse  a  domesticis  ecclesiae  hostibus.  Neque  enim,  quamvis  ab  eo  longissime  distem,  imo  ad  multas  quibus  excelluit  virtutes  aegre  len-