29:19  19  SERMON  OLXXXIV.  20  retournera  pour  le  second  coup,  et  en  la  fin  il  nous  en  donnera  tant,  que  nous  sentirons  par  effect  qu'il  nous  falloit  bien  du  premier  iour  cognoistre  qu'il  a  des  moyens  infinis,  et  qui  nous  sont  incomprehensibles,  pour  faire  vengeance  de  nos  pechez.  Yoila  donc  pourquoy  il  dit  qu'il  amassera  des  maux,  comme  il  adioustera  puis  apres:  Ces  choses  ne  sont-elles  point  cachees  en  mes  thresors?  et  la  il  en  sera  encores  traitte  plus  au  long.  Or  par  ce  mot  de  flesche,  il  entend  toutes  les  armes  de  son  ire,  lesquelles  il  touche  quant  et  quant,  c'est  assavoir  qiiil  envoyera  les  bestes  sauvages  qui  devoreront  tout:  il  envoyera  les  serpens  qui  par  leurs  picqueures  consommeront  les  hommes:  il  envoyera  V  ennemi  avec  le  glaive  au  dehors,  il  envoyera  frayeur  au  dedans��  Ici  donc  Dieu  ameine  quelques  exemples  de  ce  qu'il  avoit  dit,  c'est  assavoir  que  quand  nous  serons  eschappez  de  la  guerre,  la  famine  nous  atteindra:  quand  encores  en  cest  endroict  il  nous  aura  espargnez,  que  nous  n'y  aurons  rien  gagne:  car  il  aura  d'autres  armes  pour  nous  persecuter.  Et  cependant  nous  sommes  aussi  advertis,  que  toutes  creatures  sont  en  la  main  de  Dieu,  et  qu'il  les  employe  a  tel  usage  que  bon  luy  semble.  Comme  s'il  veut  que  les  bestes  sauvages  servent  a  nostre  profit,  il  faudra  qu'elles  le  facent:  car  il  les  conduit  par  un  mouvement  secret,  en  sorte  qu'elles  ne  peuvent  sinon  executer  ce  qu'il  ordonne:  mais  a  l'opposite  quand  il  luy  plaira  d'armer  les  bestes,  il  faudra  qu'elles  nous  soyent  ennemies,  et  ne  pourrons  point  leur  resister.  Car  devant  que  nous  ayons  appoincte  avec  luy,  il  est  certain  que  nous  demeurerons  tousiours  courts.  Et  puis  ii  adiouste,  les  serpens  se  trainans.  Combien  que  nous  mesprisions  ces  petites  bestiolles,  comme  les  serpens  qui  se  trainent  par  la  poudre,  ainsi  que  Moyse  notamment  en  parle:  si  est-ce  que  Dieu  fera  venir  iusques  en  nostre  teste  tout  ce  mal.  Car  une  morsure  de  serpent,  combien  qu'elle  soit  au  talon  et  par  le  pied,  si  est-ce  que  le  venin  ne  laisse  point  de  s'estendre  par  tout  le  corps.  Autant  en  est-il  des  maladies:  car  sous  une  espece  il  les  comprend  ici  toutes,  quand  il  dit:  Qu'il  envoyera  des  ardeur  s  ameres,  et  que  cela  sera  pour  faire  perir  les  hommes.  Ainsi  notons  ce  que  desia  nous  avons  traitte  par  ci  devant,  que  si  nous  sommes  affligez  du  coste  des  hommes,  cela  n'advient  point  sans  l'ordonnance  de  Dieu:  ce  sont  chastimens  par  lesquels  il  nous  appelle  a  cognoissance  de  nos  fautes,  et  nous  adiourne  devant  soy  :  voire  non  seulement  pour  nous  faire  nostre  proces,  mais  afin  que  nous  prevenions,  et  qu'un  chacun  de  nous  soit  son  iuge  en  nous  condamnant,  et  que  par  ce  moyen  nous  obtenions  grace  de  luy.  Mais  quand  nous  voudrons  estre  obstinez,  ce  sont  desia  tesmoignages  pour  nous  tenir  conveincus:  et  ne  faut  pas  que  nous  cuidions  par