28:19  19  SERMON  CXXVI.  20  nous  cheminons  comme  devant  Dieu,  quand  nous  gardons  quelque  honnestete  en  nostre  facon  de  nous  accoustrer.  Or  il  est  vray  que  les  hommes  pourront  bien  faillir:  encores  qu'ils  ne  s'accoustrent  point  en  femmes,  toutesfois  quand  ils  useront  de  pompes,  et  qu'ils  se  voudront  monstrer,  ce  sont  autant  de  superfluitez  qui  desia  desplaisent  a  Dieu  pour  une  autre  raison.  Si  les  femmes  aussi,  encores  qu'elles  ne  s'accoustrent  point  de  la  vesture  des  hommes,  sont  par  trop  pompeuses  et  braves,  et  qu'elles  vueillent  avoir  grand  lustre,  elles  ne  laisseront  point  d'offenser  Dieu,  et  pour  une  autre  raison  (comme  i'ay  desia  dit).  Mais  tant  y  a  qu'en  premier  lieu  il  nous  faut  avoir  ceci,  que  les  hommes  soyent  accoustrez  d'une  telle  facon,  qu'ils  ne  soyent  point  effeminez:  ainsi  qu'on  le  voit  quelque  fois,  qu'il  y  en  a  qui  s'attiffent  comme  des  espousees.  Quand  donc  ils  auront  cela,  il  semble  qu'ils  soyent  marris  que  Dieu  ne  les  ait  fait  femmes,  et  que  quasi  ils  voudroyent  renoncer  leur  sexe.  Et  cela  est  une  chose  honteuse.  Aussi  quand  les  femmes  seront  accoustrees  en  gendarmes:  comme  il  y  en  a  qui  aimeroyent  mieux  porter  une  hacquebute  sur  leur  col,  qu'une  quenouille.  Cela  est  contre  nature,  et  nous  doit  estre  detestable:  encores  qu'il  ne  fust  point  dit,  et  que  nous  n'eussions  point  la  loy  et  l'ordonnance  de  Dieu,  si  est-ce  que  de  nostre  coste  nous  voyons  que  cela  est  estrange:  et  quiconques  a  quelque  semence  de  purete  en  luy,  il  en  iugera  ainsi.  Voila  donc  quant  au  premier  degre,  c'est  assavoir  que  la  facon  que  tiendront  les  hommes  a  s'accoustrer,  monstre  que  Dieu  les  a  creez  pour  estre  hommes:  et  puis,  que  les  femmes  retiennent  la  modestie  qui  est  convenable  a  leur  sexe.  Voila  quant  au  premier.  Mais  en  general,  quant  au  second  aussi  notons,  que  Dieu  veut  qu'en  nous  accoustrant  nous  regardions  l'usage  et  l'honnestete.  Voila  deux  choses  qui  nous  doivent  estre  en  recommandation.  Il  y  a  l'usage  premierement.  Or  quand  ie  parle  de  l'usage,  c'est  afin  qu'on  se  contente  d'avoir  accoustremens  pour  se  preserver  contre  le  froid  et  le  chaut.  Et  puis  l'honnestete,  qu'on  soit  couvert,  et  qu'on  soit  habille,  en  sorte  qu'on  ne  se  vienne  point  desguiser,  comme  pour  iouer  des  farces,  et  pour  attirer  par  nouveaute  les  yeux  des  hommes,  afin  qu'on  dise:  Qui  est  cestuy-ci?  O  c'est  un  tel.  Quand  donc  nous  aurons  l'usage,  c'est  a  dire,  qu'il  nous  suffira  que  nous  soyons  vestus,  et  au  reste,  que  nous  tiendrons  quelque  mesure,  tellement  que  nous  ne  pervertirons  point  l'ordre  public:  voila  la  reigle  que  Dieu  approuvera.  Et  quand  les  femmes  aussi  ne  seront  point  par  trop  curieuses  a  s'attiffer,  et  qu'elles  ne  voudront  point  attirer  les  yeux  de  chacun,  afin  qu'on  les  regarde  en  leur  parure  :  voila  aussi  une  honnestete  que  Dieu  nous  recommande.  Et  c'est  pourquoy  S.  Paul  dit,