27:19  19  SERMON  LXX.  20  maintenant  il  nous  faut  appliquer  ceci  a  sa  verite,  afin  que  nous  en  soyons  edifiez.  Regardons  (di-ie)  d'appliquer  ces  trois  choses  a  leur  verite  et  substance,  laquelle  nostre  Seigneur  Iesus  Christ  nous  a  apportee  a  sa  venue.  Il  est  dit  ici  que  les  Levites  doivent  porter  les  vaisseaux  de  Dieu.  Or  cela  nous  compete,  non  seulement  aux  Ministres  de  la  parolle,  ou  a  ceux  qui  ont  charge  publique  en  l'Eglise  :  mais  en  general  a  tous  fidelles.  Et  voila  pourquoy  il  est  dit  par  le  Prophete  Malachie,  que  les  Levites  ont  este  faits  sacrificateurs:  cela  (di-ie)  a  este  accompli  quand  nostre  Seigneur  Iesus  Christ  est  apparu,  et  que  l'Eglise  a  este  eslevee  en  plus  grande  perfection  qu'elle  n'estoit  sous  la  Loy.  Isaie  aussi  bien  declaire,  que  tous  seront  Levites  au  Seigneur:  Tous  ies  enfans  d'Israel  (dit-il)  auront  l'estat  de  sacrifier  a  Dieu.  Et  c'est  pourquoy  sainct  Pierre  dit,  que  nous  sommes  une  sacrificature  royalle.  Il  ne  parle  point  la  a  un  certain  nombre  de  gens:  comme  le  Pape  a  corrompu  vilainement  ceste  sentence,  l'attribuant  a  son  clerge,  qu'il  appelle,  c'est  a  dire,  a  ceste  vermine,  et  puantise  de  ses  rasez,  et  graissez:  mais  S.  Pierre  attribue  ce  tiltre  tant  honorable  a  tous  fideles,  et  a  tous  ceux  qui  sont  de  l'Eglise  de  Dieu.  Moyse  disoit  bien  de  son  temps:  Vous  estes  un  royaume  sacerdotal,  c'est  a  dire,  un  royaume  sainct  par  dessus  tous  les  autres:  mais  sainct  Pierre  tourne  cela,  disant  qu'auioud'huy  nous  sommes  une  sacrificature  royalle,  puis  que  nostre  Seigneur  Iesus  Christ  estant  apparu  au  monde,  a  este  constitue  sacrificateur  selon  l'ordre  de  Melchisedech,  afin  de  communiquer  ceste  grace  a  toute  l'Eglise.  Notons  bien  donc  que  ce  n'a  point  este  un  privilege  donne  a  trois  ou  a  quatre,  d'estre  sacrificateurs,  ou  Levites:  mais  d'autant  que  tout  ce  que  nostre  Seigneur  Iesus  Christ  a  receu  de  Dieu  son  Pere,  nous  est  commun,  et  que  nous  en  sommes  faits  participans  par  son  moyen,  nous  sommes  du  rang,  et  du  nombre  des  Levites,  c'est  a  dire,  que  nous  sommes  dediez  a  Dieu.  Non  point  comme  le  peuple  se  tenoit  au  parvis  du  temple,  et  adoroit  Dieu  de  loin:  mais  nous  avons  moyen  d'approcher,  nous  avons  un  acces  prive,  nous  avons  le  Fils  de  Dieu  qui  est  entre  au  sanctuaire,  lequel  n'est  point  fait  de  main  d'homme,  afin  de  nous  presenter  la:  et  en  son  nom  tous  fideles  ont  liberte  d'y  venir.  Voila  donc  ce  que  nous  avons  a  retenir  en  premier  lieu:  c'est  que  Dieu  a  eu  une  lignee  au  peuple  d'Israel  qui  estoit  pour  le  service  du  sanctuaire:  mais  auiourd'huy  il  a  espandu  ceste  grace  sur  tous  fideles,  et  qu'il  n'y  a  point  d'exception  que  nous  ne  soyons  tous  dediez,  afin  de  presenter  sacrifice  a  Dieu:  et  non  point  seulement  pour  porter  les  vaisseaux  du  temple,  mais  nous  sommes  les  vaisseaux.  Car  nos  corps,  combien  qu'ils  soyent  povres  charongnes,  ils  ne  laissent  pas  d'estre  temples  du  S.