26:19  19  SERMON  XII.  20  de  consolation.  Car  si  nous  cognoissons  que  Dieu  nous  ait  appellez  en  un  lieu  ou  nous  sommes,  et  que  nous  y  vivions  en  le  servant:  nous  avons  ici  promesse,  que  quand  on  nous  viendra  assaillir,  quelques  forces  qu'il  y  ait  en  nos  ennemis,  combien  qu'il  semble  que  ce  soit  une  tempeste  qui  doive  tout  perdre  et  gaster:  neantmoins  nous  serons  maintenus  par  la  main  de  Dieu.  Quand  donc  nostre  Seigneur  nous  prend  ainsi  en  sa  protection,  et  qu'il  declare  que  si  nous  habitons  en  un  pays  sous  sa  conduite:  voila  comme  il  nous  faut  estre  asseurez,  et  comme  nous  pouvons  despiter  tous  nos  ennemis.  Au  contraire,  quand  il  plaira  a  Dieu  de  nous  quitter,  c'est  fait:  il  ne  faudra  point  grande  force  pour  nous  abbatre.  Et  ainsi  donc  apprenons  de  nous  remettre  tousiours  en  la  garde  de  nostre  Dieu,  et  le  prier  qu'il  soit  nostre  defense.  Et  quand  nous  verrons  beaucoup  d'efforts  dressez  contre  nous:  que  nous  ayons  nostre  refuge  a  ce  qu'il  nous  a  promis,  et  que  nous  attendions  d'estre  secourus  de  luy  au  besoin.  Voila  donc  comme  il  nous  faut  appliquer  ceste  doctrine  a  nostre  usage,  afin  que  nous  ne  pensions  point  que  Dieu  monstre  seulement  ici  aux  princes  ce  qu'ils  ont  a  faire:  car  le  menu  peuple  est  console  avec,  quand  il  voit  que  Dieu  le  garde  comme  son  troupeau  et  sa  pasture.  Reduisons  aussi  en  memoire  ce  qui  est  ici  recite  du  parentage.  Vray  est  qu'il  eu  fut  bien  bier  traitte  au  long:  mais  pource  que  Moyse  derechef  en  parle,  quand  il  fait  mention  des  enfans  de  Moab,  et  des  Ammonites  leurs  freres:  bien,  puis  que  Dieu  met  a  son  peuple  devant  les  yeux  le  parentage  qu'il  avoit  avec  ces  peuples  ici:  notons  que  d'autant  que  Dieu  nous  a  conioints,  qu'il  nous  faut  vivre  paisiblement  et  en  fraternite  les  uns  avec  les  autres.  Nous  ne  serons  pas  tous  parens  selon  la  chair:  mais  si  est-ce  qu'il  y  ha  encores  quelque  union  entre  le  genre  humain  t  que  nous  ne  devons  iamais  nous  estranger  en  telle  sorte,  qu'il  n'y  ait  tousiours  quelque  communaute.  Et  sur  tout,  d'autant  que  nous  sommes  tous  formez  a  une  semblance,  et  que  nous  cognoissons  en  la  personne  des  hommes  comme  nostre  chair,  et  nos  os,  et  qu'il  nous  faut  pratiquer  ce  que  dit  le  Erophete  Isaie:  Que  nous  ne  haissons  point  nostre  chair.  Mais  voila  l'image  de  Dieu  qui  reluit  en  tous  hommes:  et  n'est-ce  pas  raison  que  nous  luy  portions  cest  honneur-  la  de  l'honorer  par  tout  ou  elle  se  declare?  Et  puis,  pource  que  Dieu  nous  a  appellez  a  sa  cognoissance,  qu'il  veut  que  nous  l'invoquions  comme  pere,  qu'il  a  voulu  que  nous  ayons  la  marque  du  Baptesme,  que  nous  soyons  comme  entez  au  corps  de  nostre  Seigneur  Iesus  Christ,  qu'il  nous  ouvre  son  royaume  pour  nous  y  retirer  comme  en  nostre  heritage  commun,  quand  tout  cela  est,  ne  faut-il  pas  que  nous  soyons  pires  que  bestes,  si  nous