25:19  19  SANCTIONES  A  PROMISSIONIBUS  ET  MINIS.  20  qui,  esse  tanquam  oleas  virides  et  fructuosas  in  atriis  domini  (Ps.  52,  10)  :  impios  vero,  quamvis  ad  tempus  emineant  tanquam  cedri  Libani,  momento  tamen  evelli  radicitus,  ut  ne  vestigium  quidem  appareat  (Ps.  37,  35).  EX  DEUT.  VII.  9.  Scias  quod  Iehova  Deus  tuus,  est  Deus  fidelis,  custodiens  pactum  et  misericordiam  diligentibus  se,  et  custodientibus  praecepta  sua,  usque  ad  mille  generationes:  10.  Et  rependens  odio  habenti  ipsum,  in  faciem  eius,  ut  perdat  eum:  neque  tardabit,  odio  habenti  ipsum,  in  faciem  eius  rependet  ei.  ll.  Custodias  ergo  praecepta,  ei  statuta,  et  iudicia  quae  ego  praecipio  tibi  hodie,  ut  ea  facias.  12.  Et  erit,  propterea  quod  audieritis  iudicia  ista,  et  custodieritis,  feceritisque  ea:  custodiet  Iehova  Deus  tuus  tibi  pactum,  et  misericordiam  de  quo  iuravit  patribus  tuis.  13.  Diliget  quoque  te,  et  benedicet  tibi,  multiplicabitque  te  :  benedicet  namque  fructui  ventris  tui,  et  fructui  terrae  tuae,  frumento  tuo,  et  musto  tuo,  et  oleo  tuo,  foetui  boum  tuorum,  et  gregibus  ovium  tuarum,  in  terra  quam  iuravit  patribus  tuis  se  daturum  Ubi.  14.  Benedictus  eris  prae  cunctis  populis  :  non  erit  in  te  infoecundus,  neque  infoecunda,  neque  in  iumentis  tuis.  15.  Auferetque  a  te  Iehova  omnem  morbum,  et  omnes  aegritudines  Aegypti  pessimas  quas  nosti:  non  ponet  illas  in  te,  sed  ponet  eas  in  omnibus  qui  te  oderint.  9.  Scias  quod  Iehova.  Potest  etiam  legi  verbum  non  minus  commode  in  futuro  tempore.  Quod  si  placeat,  notatur  experimentalis  (quam  vocant)  cognitio:  ac  si  diceret,  Deum  re  ipsa  palam  facturum  quam  fidus  sit  remunerator  suis  cultoribus.  Si  autem  magis  arrideat  diversa  lectio,  hortatur  eos  Moses  ut  Deum  statuant  iudicem  hominum  in  coelo  sedere,  ut  tam  vindictae  metu  terreantur,  quam  alliciantur  spe  mercedis.  Caeterum  sententia  haec  annexa  fuit  secundo  praecepto,  et  illic  exposita,  nam  quatenus  sub  decem  verbis  comprehensa  erat,  fas  non  fuit  inde  eam  avellere.  Nunc  vero  seorsum  ad  sanciendam  totam  legom  repetita  in  hunc  locum  apte  inseritur.  Non  pigebit  tamen  quae  illic  fusius  explicui,  breviter  attingere.  Primum  gradum  obtinet  promissio:  quia  Deus  humaniter  invitare  mavult  suos  quam  terrore  cogere  ad  obsequium.  Pacto  autem  subiicitur  misericordia,  ut  sciamus,  mercedem  quam  sperare  debent  fideles,  non  pendere  ex  operum  meritis,  quandoquidem  indigent  Dei  misericordia.  Quanquam  potest  ita  resolvi  oratio,  Custodiens  pactum  misericordiae,  vel  Pactum  in  misericordia  fundatum,  vel:  Misericordiam  quam  pepigit.  Quod  autem  prius  a  fidelibus  requiritur,