20:19  19  EPISTOLAE  3952.3953  20  memorabilem  exstitisse,  satis  vere  et  diligenter  possit  nostrae  huic  aetati  atque  etiam  posteris  explicare.  Paucissimis  interea  complectar,  quae  nostrum  illud  proelium  3)  sunt  consequuta,  in  iis  quidem  locis  in  quibus  sum  versatus.  Nam  alioqui  nulla  est  Galliae  regio,  quae  peculiaris  historiae  argumentum  non  possit  suppeditare.  Paulo  post  proelium  cuius  et  quae  forma  et  quis  exitus  fuerit  abunde  iam  cognovistis,  noster  exercitus,  Amiraldo  duce,  traiecto  infra  Aureliam  Ligeris  fluvio  Siligoniam,4)  quam  vocant,  provinciam  invasit  et  aliquot  expugnatis  oppidis,  totam  fere  Bituriges  usque  in  ipsis  hostium  oculis  subegit.  Guisianus  aliquot  post  diebus  lento  admodum  itinere  progressus,  Rege  ac  "Regina  Blaesos  et  Ambosiani  praemissis  et  Principe  nostro  Condensi  tuto  loco  inter  utramque  illam  urbem  collocato,  eam  ipsam  urbem  qua  paulo  ante  traieceramus,  quam  Balgentiacum5)  vocant,  septem  infra  Aureliam  milliaribus,  nullo  negotio  occupavit,  ut  liberum  utrinque  ad  Aureliam  obsidendam,  vel  ad  nos  insequendos  aditum  haberet.  Amiraldus  ubi  hoc  videt  recreato  exercitu  aliam  et  ipse  urbem,  Gerguellum,6)  quinque  supra  Aureliam  milliaribus,  cum  ponte  insedit,  ut  tum  urbi,  si  forte  obsideretur,  succurreret,  tum  etiam  hosti,  qua  libuisset  parte,  occurreret.  Ita  praeteriere  dies  aliquot,  qui  in  Aurelia  munienda  sunt  consumpti,  nostris  proelium  minime  detrectantibus,  Guisio  vero  aliud  quidvis  potius  meditante,  nempe  quibus  artibus  Germanum  equitem,  cui  trium  mensium  stipendium  debebatur,  a  nobis  abduceret,  et  urbem  proditione  potius  quam  aperta  vi  occuparet.  Tandem  igitur  Amiraldus  relicto  in  urbe  omni  peditatu,  qui  quatuor  circiter  millibus  constabat,  et  Andeloto  fratre  una  cum  aliquot  nobilium  Gallorum  equitum  turmis  urbi  praefecto,  recta  Normanniam  versus  cum  reliquis  copiis,  id  est  equitum  instructissimorum  millibus  quatuor  et  amplius  per  Baeotiae7)  campos  contendit,  pecuniam  videlicet  et  novum  militem  ab  Anglis  accepturus.  Iter  nobis  tutum  et  pacatum  fuit,  nemine  tantis  copiis  obsistere  auso.  Sed  neque  adhuc  in  portum  Graciensem8)  allata  erat  pecunia,  neque  novus  ullus  ex  Anglia  miles  traiecerat.  Erant  praeterea  venti  adversissimi,  quae  res  in  extremum  discrimen  res  nostras  adducebat,  quum  peregrinus  miles  stipendium  minabundus  flagitaret,  et  propterea  urbi,  quam  Guisius  interea  gravissime  premebat,  a  nobis  3)  Druidense.  (N.  3887  seq.)  4)  Sologne.  De  his  omnibus  cf.  H.  Eccl.  II.  245  ss.  Hist  des  choses  mem.  1599.  p.  160  ss.  Popeliniere  L  f.  350  ss.  de  Thou  III.  388;  Soldan,  II.  92.  5)  Beaugency.  6)  largeau.  7)  la  Beauce.  8)  le  Havre  de  Grace.  (Hist.  eccl  IL  248.)