2:19  INSTITUTIO  REL.  CHRIST.  1559.  studiis.  Et  hunc  limitem  transgressi  sunt,  quum  otiosos  ac  doliares  monachorum  ventres  in  lustris  ac  fornicibus  collocarunt,  qui  aliena  substantia  saginarentur.  Pater  erat  qui  dixit  1)  horrendam  esse  abominationem,  videre  depictam  vel  Christi  vel  sancti  ullius  imaginem  in  Christianorum  templis.  Neque  id  hominis  unius  voce  pronuntiatum  est,  sed  ab  ecclesiastico  etiam  concilio2)  decretum,  ne  quod  colitur  in  parietibus  depingatur.  Plurimum  abest  quin  se  intra  hos  fines  contineant,  quando  non  relinquunt  angulum  imaginibus  vacuum.  Alius  pater3)  consuluit  ut  officio  humanitatis  erga  mortuos  in  sepultura  defuncti  sineremus  eos  quiescere.  Hos  limites  perrumpunt  quum  perpetuam  mortuorum  sollicitudinem  incutiunt.  Ex  patribus  erat  qui  substantiam  panis  et  vini  testatur4)  in  eucharistia  ita  permanere  et  non  desinere,  sicut  manet  in  Christo  Domino  substantia  et  natura  hominis,  iuncta  divinae.  Igitur  modum  praetereunt  qui  fingunt  desinere  substantiam  panis  et  vini  verbis  Domini  recitatis,  ut  in  corpus  ac  sanguinem  transsubstantietur.  Patres  erant5)  qui  uti  universae  ecclesiae  unam  duntaxat  eucharistiam  exhibebant,  atque  ut  inde  arcebant  flagitiosos  et  sceleratos,  ita  gravissime  damnabant  omnes  eos  qui  praesentes  ei  non  communicarent.  Hos  fines  quam  procul  submoverunt,  quum  non  templa  tantum,  sed  etiam  privatas  domos  missis  suis  replent,  ad  eas  spectandas  quosvis  admittunt,  et  eo  quemque  libentius,  quo  largius  quisque  numerat,  quantumvis  impuri  sint  et  scelesti;  ad  fidem  in  Christum,  et  fidelem  sacramentorum  communionem  invitant  neminem:  quin  potius  suum  opus  pro  gratia  et  merito  Christi  venditant.  Patres  erant6)  quorum  unus  ab  usu  sacrae  Christi  coenae  in  totum  submovendos  decrevit,  qui  alterius  speciei  participatione  contenti  ab  altera  abstinebant;  alter  fortiter  pugnat,  non  denegandum  populo  christiano  Domini  sui  sanguinem,  1)  Epiphanii  epist,  ab  Hieron,  versa.  2)  Concil,  illiberit.  c.  36.  3)  Ambros,  libr.  de  Abrah.  1.  c.  9.  4)  Gelasius  papa  in  concil,  roman.  5)  Chrysost,  in  1.  c.  Eph.  Calixtus  papa,  de  consecrat,  dist.  2.  6)  Gelasius  canon,  comper.  de  consecrat,  dist.  2.  Cyprian,  epist.  2.  libr.  1.  de  lapsis.