19:19  19  EPISTOLAE  3551.3552  20  A  Monsr.  Mons*.  Despeville.  S.  Redditae  sunt  mihi  literae  tuae,*)  mi  pater,  quibus  ostendis  te  statum  rerum  nostrarum  iam  satis  animo  praevidisse.  Quid  remoram  iniiciat  aut  quae  impedimenti  causa  sit  cur  non  ultra  progrediamur,  satis,  ut  arbitror,  ex  literis  Berne  nostri  intelligis,  ita  ut  pluribus  ea  me  nunc  perscribere  necesse  non  sit.  Ac  profecto  antequam  Londino  discederem  in  animum  inducere  non  potui,  tam  confusis  et  tumultariis  rationibus  certi  aliquid  statui  posse.  Caecus  tamen  esse  volui,  ne  consiliis  humanis  nimium  tribuens  occasionem  ullam  praetermitterem,  mihique  sapere,  non  aliis  viderer.  Spes  vero  mihi  certissima  fuit,  quamvis  res  non  omnino  succederent  ex  animi  sententia,  fructum  tamen  ex  his  laboribus  non  levem  exstiturum.  Eludimur  variis  artibus,  sed  non  ita  astutis  quin  hactenus  Dei  beneficio  nobis  praecavere  potuerimus.  Nunc  quum  abrupturi  sint  colloquium  adversarii,  totis  viribus  conandum  est  ne  re  infecta  discedatur.  Qua  in  re  nobis  insigni  Dei  consilio,  piorum  hominum  consilio  et  precibus  opus  erit.  Qualis  fuerit  ecclesiae  meae  2)  status  quum  discessi,  literis  meis  tibi  aperte  significavi.  Post  discessum  meum  permulti  in  Galliam  se  receperunt,  non  tantum  gallicae  nationis  sed  etiam  teutonicae,  quod  dura  illic  adversus  exteros  edicta  sanciantur.  Hic  mire  solliciter  a  multis.3)  Si  me  diutius  abesse  sinit  ecclesiola  mea,  consilio  tuo  uti  statui.  Sin  minus,  peractis  hisce  negotiis  illuc  redeo,  meque  ibi  concludo,  donec  reiiciar  aut  operam  meam  nostris  inutilem  esse  videam.  Interea  ut  me  amantissimis  et  fidelissimis  consiliis  tuis  iuvare  pergas  atque  etiam  precibus  subleves  maiorem  in  modum,  etiam  atque  etiam  rogo.  Collegas  omnes  ac  fratres  mihi  in  Domino  carissimos  quam  plurimum  salvere  cupio.  Dominus  te  incolumem  ecclesiae  suae  conservet,  tuisque  laboribus  perpetuo  benedicat.  Qui  hic  collecti  sunt  fratres  te  amantissime  salutant.  Apud  S.  Gterm.  6.  Octobr.  1561.  Tui  observantissimus  N.  Gallasius.  8551.1)  deperditae.  2)  Londinensis.  B)  Etiam  a  Calvino  qui  eum  Genevam  revocabat,  et  a  JPictaviensibus.  (JV.  3507.  3523.)