11:19  EPISTOLAE  209  -  210  209.  VIRETUS  BULLINGERO.  Spe  eum  conveniendi  frustratus  saltem  literarum  commercium  cum  eo  inire  cupit.  Status  ecclesiae  in  universum  minime  laudandus.  Rarus  apparet  evangelii  fructus.  Tia  sunt  desideria  ministrorum,  hominum  studia  vel  impia  vel  saltem  ignaviae  dedita  et  disciplinam  respucntia  quae  fere  nulla  est.  (Ex  autographo  Archiv.  iuric.  Plut.  VI.  Vol.  166,  fol.  226;  olim  Epp.  T,  XXIV.  Exstat  quoque  ap.  Simlerum  Vol.  47.)  Pietate  et  literis  ornatissime)  D.  Henricho  Bullingero  Tigurinae  ecclesiae  pastori  vigilantissimo.  Tiguri.  S.  gratia  et  pax.  Gaudebam  mihi  superiore  aestate  occasionem'in  Germaniam  peregrinandi  fuisse  oblatam,  sperans  fore  ut  ad  vos  quoque,  quo  institueramus  iter,  tandem  perveniremus,  ac  tua  doctissimorumque  virorum,  quorum  magnus  est  isthic  apud  vos  proventus,  praesentia  et  suavissimis  colloquiis  frui  et  oblectari  contingeret.  Sed  nescio  quo  casu  e  medio  cursu  revocati  hac  spe  nostra  et  desiderio  frustrati  sumus,  quo  fit  ut  in  praesentia,  postquam  te  coram  videre  et  alloqui  negatum  est,  cogar  saltem  utcunque  literis  sarcire  quod  tunc  praestare  non  licuit.  Scribo  itaque,  non  quod  mihi  pollicear  ullam  te  voluptatem  ex  tam  ineptis  scriptis  percepturum,  aut  inde  aliquid  ad  te  rediturum  utilitatis,  sed  quod  ea  spe  ducar  ut  mihi  persuadeam  aliquid  mea  me  importunitate  abs  te  literarum  extorsurum,  quibus  mihi  recreetur  animus,  et  quarum  lectione  doctior  evadam,  sicque  afficiar  ut  redeam  ad  pietatis  studia  alacrior  et  ardentior  Puderet  procul  dubio  tem  impudenter  te,  virum  undequaque  doctissimum,  gravissimis  ac  maxime  seriis  studiis  occupatum,  interpellare  et  remorari  meis  nugis  et  ineptiis,  nisi  et  ipsae  alicuius  essent  momenti,  et  quaedam  secum  seria  ducerent.  Tua  ergo  fretus  humanitate,  quam  mihi  tot.  encomiis  D.  Grynaeus  communis  amicus  noster  commendavit,  ac  cuius  impulsu  prius  iam  apud  te  aliquid  audere  coepi,  accingar  iis  exponendis  de  quibus  magnopere  cupio  tuam  audire  sententiam.  Qualis  sit  rerum  nostrarum  conditio  non  putavi  prolixius  prosequendum,  quum  id  abunde  narraturus  sit  tabellarius,  quem  nihil  latere  arbitror,  utpote  qui  non  tantum  mihi  arctissima  necessitudine  coniunctus  est,  sed  omnium  etiam  consiliorum  et  cogitationum  conscius  et  particeps.  Unum  est  quod  iupriiiilb  u  cum  optarim  conferre:  qua  de  re  nonnihil  attigi  in  meis  ad  D.  Casparem  Megandrum  literis.  Sumus  plerique,  et  paene  quotquot  penitius  introspiciunt  expenduntque  diligentius  quam  arduum  hoc