10.1:19  ORDONNANCES.  tous  se  soubmettent,  qui  sera  aussi  le  moien  que  le  ministere  soit  conserve  en  reverence  et  que  la  parolle  de  dieu  ne  soit  par  le  maulvais  bruit  des  ministres  en  deshoneur  ou  mespris.  Car  comme  on  corrigera  celluy  qui  laura  merite,  aussi  sera  mestier  de  reprouver  a)  les  calumnies  et  faulx  rapportz  quon  pourroit  faire  jniustement  contre  jnnocens.  Mais  premierement  fault  noter  quil  y  a  des  crimes  qui  sont  du  tout  jntollerables  en  un  ministre,  et  y  a  des  vices  quon  peult  aultrement  supporter  moyennant  quon  en  face  admonitions  fraternelles.  Les  premiers  sont  Heresie  Scisme  Rebellion  contre  lordre  ecclesiastique.  Blaspheme  manifeste  et  digne  de  peine  civile.  Simonye  et  toute  corruption  de  presens.  Brigues  pour  occuper  le  lieu  dun  aultre.  Delaisser  son  esglise  sans  conge  legitime  b)  et  iuste  vocation.  Faulsete.  Periure.  Paillardise.  Larrecins.  Iverognerye.  Batterie  digne  destre  punye  par  les  loix.  Usure,  Ieux  deffendus  par  les  loix  et  scandaleux.  Dances  et  telles  dissolutions.  Crimes  emportant  jnfamye  civile.  Crime  qui  merite  en  un  aultre  separation  de  lesglise.  Les  secons  Facon  estrange  de  traicter  lescripture  laquelle  tourne  en  scandale.  Curiosite  a  c)  chercher  questions  vaines.  Advancer  quelque  doctrine  ou  facon  de  faire  non  receue  en  lesglise.  Negligence  a  estudier  et  d)  lire  les  sainctes  escriptures.  Negligence  a  reprendre  les  vices,  prochaine  a  flatterie.  Negligence  a  faire  touttes  choses  requises  a  loffice.  Scurrilite.  Menterie.  Detraction.  Paroles  dissolues.  Paroles  jniurieuses.  1)  Cet  article  est  biffe.  2)  Cet  article  est  egalement  raye.