1:19  [CO  1.  19]  habere  permittunt,  dum  alios  et  sibi  et  aliis  magistros  quam  Christum  praeficiunt.  Patres  omnes  uno  pectore  execrati  sunt,  et  uno  ore  detestati  sanctum  Dei  verbum  sophistarum  argutiis  contaminari,  et  dialecticorum  rixis  implicari.  An  isti  iis  limitibus  se  continent,  dum  nihil  aliud  in  tota  vita [p. 24]  agunt,  quam  infinitis  contentionibus  et  plus  quam  sophisticis  iurgiis  scripturae  simplicitatem  involvere  et  impedire,  ut  si  nunc  patres  suscitentur,  et  huius  modi  iurgandi  artem  audiant  (quam  speculativam  theologiam  appellant)  nihil  minus  credant,  quam  de  Deo  haberi  disputationem?  Verum  quam  late  sese  oratio  nostra  effunderet,  si  recensere  vellem  quam  petulanter  isti  Patrum  iugum  (quorum  observantes  filii  videri  volunt)  [OS  30]  excutiant,  menses  profecto  atque  anni  me  deficerent.  Et  adeo  perdita  sunt,  deplorataque  impudentia,  ut  nos  castigare  ausint,  quod  terminos  antiquos  transgrediamur.  Iam  vero  quod  nos  ad  consuetudinem  vocant,  nihil  efficiunt.  Iniustissime  enim  nobiscum  ageretur,  si  consuetudini  cedendum  esset.  Equidem,  si  recta  essent  hominum  iudicia,  consuetudo  a  bonis  petenda  erat.  Verum  longe  aliter  saepiuscule  agi  contigit.  Quod  enim  a  multis  fieri  conspectum  est,  consuetudinis  ius  obtinuit.  Atqui  vix  unquam  tam  bene  habuerunt  res  humanae, [p. 25]  ut  pluribus  placerent  meliora.  Ergo  ex  privatis  multorum  vitiis,  publicus  error  plerumque  factus  est,  vel  potius  communis  vitiorum  consensus,  quem  nunc  boni  isti  viri  pro  lege  esse  volunt.  Vident  qui  oculos  habent,  non  unum  mare  malorum  inundasse,  multas  sonticas  pestes  invasisse  orbem,  omnia  in  praeceps  ruere,  ut  aut  prorsus  res  humanae  deplorandae  sint,  aut  tantis  malis  iniicienda  manus,  vel  potius  vis  afferenda.  l)  Et  abigitur  remedium  non  alia  ratione,  nisi  quia  iam  pridem  malis  assuevimus.  Sed  locum  sane  habeat  in  hominum  societate  publicus  error;  in  regno  tamen  Dei  sola  eius  aeterna  veritas  audienda  et  spectanda  est,  cui  nulla  annorum  serie,  nulla  consuetudine,  nulla  coniuratione  praescribi  potest.  Sic  quondam  electos  Dei  docebat  Iesaias  (Cap.  8):  ne  1)  Decret.  distinct.  8.  c.  fin.  extr.  de  consuetud.