9:189  189  AD  WESTPHALUM.  190  verbis  verum  illud  corpus,  cuius  immolatio  nos  Deo  reconciliavit.  Tantum  quaeritur,  quomodo  designet.  1)  Dicunt  Magdeburgenses,  manere  in  sua  nativa  significatione:  nempe  ut  sciamus  corpus  illud,  quo  spiritualiter  pascuntur  animae  nostrae,  idem  esse  quod  in  cruce  pependit:  non  autem  ut  panis  fiat  corpus,  vel  sub  pane  corpus  lateat.  Quid  opus  fuit  prudentem  et  disertum  facere  Christum,  quasi  cavere  voluerit,  ne  quis  ad  novum  aliud  corpus  verba  eius  transferret?  Sed  dicunt  etiam  prudenter  et  erudita  lingua  cavisse,  ne  quis  falsator  diceret,  umbras  tantum,  typos,  figuras,  larvas  aut  praestigias  dari.  Hoc  est  cur  dixerim  eorum  falsitatem  hic  palam  fieri.  Nam  sicuti  minime  docemus,  nudas  vel  inanes  figuras  tradi,  ita  nihil  obstat  quominus  figuram  habeat  annexam  vera  rei  exhibitio.  Nec  vero  sine  typo  vel  figura  sacramentum  [pag.  143]  esset  coena  Christi.  Praestigias  illis  relinquimus,  quos  nihil  pudet  bicorporem  facere  Christum,  qui  corpus  oculis  spectandum  exhibens  invisibile  sub  pane  singulis  dabat.  Decimo  quarto  capite  quid  sibi  velint  non  assequor.  Dicunt  naturalem  Christi  sanguinem  non  spiritualem  esse  effusum  in  cruce,  ideoque  in  coena  dari.  Quasi  nobis  alius  sit  Christi  sanguis,  quam  quem  homo  factus  assumpsit.  Sed  quia  humano  more  non  bibitur,  modum  bibendi  exprimere  volentes  spiritualem  dicimus  eius  potum.  Ita  semper  loquuti  sunt  pii  sanique  doctores.  Nec  quantumvis  obmurmurent  Magdeburgenses,  quidquam  hic  reperient  absurdi.  Imo  Irenaeus  quidquid  praeter  panem  et  vinum  in  coena  datur,  spirituale  esse  tradit.  Eadem  quoque  ratione  dictum  ab  Hieronymo2)  interpretor,  dupliciter  intelligi  carnem  Christi,  spiritualem  illam  ac  divinam  de  qua  dicit:  Caro  mea  vere  est  cibus,  et  quae  crucifixa  fuit:  [pag.  144]  non  quia  duplicem  re  ipsa  fingat,  sed  quia  participationis  modus  supra  coelum  nos  attollit.  Neque  dissimile  est  quod  alibi  citavimus  ex  Augustino,3)  corpus  discipulis  in  coena  datum  non  illud  esse  quod  in  cruce  pependit.  Quum  doceat  idem  alibi,  Iudaeos,  ubi  fuerunt  conversi,  sanguinem  quem  fuderant  bibisse:  qui  fit  ut  nunc  idem  esse  neget,  nisi  quia  aliter  spiritualis  communicatio  exprimi  non  potuit?  Decimo  quinto  fundamento  colligunt,  in  coena  haud  dubie  communicari  proprium  Christi  corpus  et  sanguinem,  quia  voluit  rem  arduam,  miraculosam  et  novam  instituere,  qualis  in  mundo  non  fuit:  idque  ex  proposito  et  haud  dubie  consilio  patris  et  spiritus,  ut  evidentissima  et  luculentissima  et  certissima  esset  applicatio  suae  dilectionis  et  meriti  1)  Vide  an  legendum  sit:  designetur  (il  est  marque  ou  signifie).  2)  In  cap.  1  ad  Ephes.  3)  In  Psal.  98.