55:189  189  CAPUT  XIII.  190  Ipse  enim  dixit  Citat  hic  duo  testimonia:  prius  sumptum  putant  ex  Iosue  capite  1.  Ego  vero  magis  arbitror  sententiam  hanc  adductam  esse  ex  communi  scripturae  doctrina.  Ac  si  dixisset:  passim  Dominus  se  nobis  nunquam  defuturum  pollicetur.  Ex  hac  promissione  infert  quod  habetur  Psalmo  118,  nobis  suppetere  timoris  vincendi  materiam,  quum  de  auxilio  Dei  certi  sumus.  Hic  vero  morbum  a  radice  ipsa  evellit:  sicuti  necesse  est,  si  volumus  hominum  animos  eo  vere  purgatos  esse.  Fontem  avaritiae  certum  est  esse  diffidentiam.  Nam  quisquis  hoc  animo  infixum  habebit,  nunquam  se  a  Domino  relictum  iri,  non  erit  ultra  modum  sollicitus:  quia  pendebit  ab  illius  providentia.  Prudenter  ergo  apostolus,  nos  ab  avaritiae  morbo  curare  volens,  ad  Dei  promissiones  revocat  :  quibus  testatur  se  nobis  praesentem  fore.  Postea  inde  colligit,  quamdiu  talis  nobis  est  adiutor,  nullam  esse  timendi  causam.  Ita  enim  fiet  ut  nullae  nos  pravae  cupiditates  sollicitent,  quia  sola  fides  est  quae  pacare  hominum  mentes  possit  :  quarum  alioqui  plus  satis  nota  est  inquietudo.  7.  Memores  estote  praefectorum  vestrorum  qui  loquuti  sunt  vobis  sermonem  Dei,  quorum  intuentes  exitum  conversationis,  imitamini  fidem.  8.  Iesus  Christus  heri  et  hodie,  idem  etiam  in  saecula.  9.  Doctrinis  variis  et  peregrinis  ne  circumferamini.  Bonum  enim  gratia  cor  confirmari,  non  cibis,  qui  nihil  profuerunt  iis  qui  in  illis  versati  sunt.  7.  Memores  estote.  Quae  sequuntur,  non  tam  ad  mores  quam  ad  doctrinam  pertinent.  Primo  loco  Iudaeis  exemplum  eorum  proponit  a  quibus  edocti  fuerant:  ac  videtur  peculiariter  de  iis  loqui,  qui  doctrinam  a  se  traditam  proprio  sanguine  obsignaverant.  Quiddam  enim  memorabile  designat  quum  dicit,  i  n  t  u  e  n  t  e  s  exitum  conversationis.  Tametsi  nihil  impedit  quominus  generaliter  hoc  intelligamus  de  iis,  qui  in  sana  fide  ad  extremum  usque  per^titerant,  et  tam  in  morte  quam  tota  vita,  fidele  sanae  doctrinae  testimonium  reddiderant.  Hoc  autem  non  parum  valet,  quod  suos  illis  doctores  ad  imitandum  proponit.  Nam  qui  nos  in  Christo  genuerunt,  quasi  patrum  loco  esse  nobis  debent.  Quum  ergo  eos  vidissent  partim  inter  saevas  persequutiones,  partim  inter  varia  certamina,  constantes  et  infractos,  merito  debebant  plus  moveri.  8.  Iesus  Christus  heri.  Haec  unica  est  ratio  qua  in  recta  fide  perstemus,  si  retinemus  fundamentum,  neque  ab  eo  vel  tantillum  discedimus.  Qui  enim  Christum  non  tenet,  etiamsi  coelum  et  terram  compreheodat,  nihil  sapit  nisi  meram  vanitatem.  In  Christo  enim  inclusi  sunt  omnes  coelestis  sapientiae  thesauri.  Proinde  hic  est  insignis