51:189  189  CAPUT  IV.  190  randum.  Porro  gratiarum  actio  huc  spectat,  ut  incitentur  magis  ac  magis  Ephesii  ad  aestimandam  Dei  gratiam  pro  sua  dignitate.  Gloria,  inquit,  Deo  sit  per  Christum.  Nempe  quia  per  eum  effusa  erat  Dei  misericordia  in  gentes.  Addit  in  ecclesia:  quo  significat  Dei  gratiam  in  gentium  vocatione  esse  talem  quae  debeat  inter  omnes  fideles,  quam  late  patet  ecclesia,  celebrari.  Perpetuitas  ad  augendam  magnitudinem  valet.  20.  Qui  potest  Refertur  hoc  ad  futurum  tempus,  ideo  est  spei  doctrina.  Et  certe  non  possumus  Deo  iustas  ex  animo  gratias  agere  pro  acceptis  beneficiis,  nisi  persuasi  simus,  eius  bonitatem  perpetuam  erga  nos  fore.  Quum  autem  dicit  Deum  posse,  non  intelligenda  est  potentia  longe  remota  ab  actu,  ut  loquuntur:  sed  quae  se  proferat  et  reipsa  a  nobis  sentiatur.  Debent  enim  fideles  eam  semper  coniungere  cum  opere,  ubi  de  rebus  sibi  promissis  et  de  sua  salute  agitur.  Quidquid  enim  potest  Deus,  facturus  est  procul  dubio,  si  promisit.  Id  confirmat  prioribus  experimentis,  vel  praesenti,  quae  se  in  illis  exserebat,  spiritus  efficacia.  Secundum  id  quod  iam  in  nobis  sentimus,  inquit.  Quidquid  enim  bonorum  nobis  Deus  confert,  documentum  est  eius  erga  nos  gratiae,  amoris,  virtutis:  unde  in  posterum  debemus  meliorem  fiduciam  concipere.  Notandum  est  membrum  illuds  cumulate,  item,  super  omnia  facere,  quae,  petimus  aut  cogitamus:  ne  timeamus  excessum  in  recta  fide.  Nunquam  enim  tantum  exspectabimus  bonorum  a  Deo,,  quin  vota  omnia  et  sensus  omnes  nostros  immensa  sua  liberalitate  superet.  CAPUT  iv.  1.  Obsecro  itaque  vos,  ego  vinctus  in  Domino,  ut  digne  ambuletis  vocatione  ad  quam  vocati  estis:  2.  cum  omni  humilitate  et  mansuetudine,  cum  tolerantia  sufferentes  vos  invicem  in  dilectione:  3.  studentes  servare  unitatem  spiritus,  in  vinculo  pacis.  4.  Unum  corpus  et  unus  spiritus:  quemadmodum  vocati  estis  in  una  spe  vocationis  vestrae.  5.  Unus  Dominus,  una  fides,  unum  baptisma.  6.  Unus  Deus  et  pater  omnium,  qui  est  super  omnia,  et  per  omnia,  et  in  omnibus  vobis.  Haec  tria  capita  tantum  continent  praeceptiones  de  moribus.  Ac  primum  quidem  eos  hortatur  ad  mutuam  concordiam.  Qua  occasione  de  ecclesiae  regimine  tractat:  quoniam  ita  sit  compositum  a  Domino,  ut  vinculum  sit  unitatis  inter  nos  servandae.  1.  Ego  vinctus  in  Domino.  A  vinculis,  quae  videbantur  eum  despicabilem  reddere,  maiorem  (ut  etiam  alibi  visum  est)  sibi  autoritatem  vendicat.