50:189  189  CAPUT  II.  190  omnes  fere  incolae  Iudaei  erant:  Paulus  Asiam,  Graeciam  et  alias  remotas  partes  circumibat:  hac  occasione  peculiariter  ordinatus  est  gentium  apostolus.  Imo  quum  Dominus  initio  eum  segregari  iuberet,  voluit  ut  relicta  Antiochia  et  Syria  trans  mare  et  in  longinquas  regiones  abiret  gentium  causa.  Ergo  ordinarius  eius  apostolatus  fuit  in  gentes,  extraordinarius  in  Iudaeos.  Contra,  alii  Iudaeos  proprie  sibi  sumpserunt,  sed  hac  conditione,  ut  gentibus,  oblata  occasione,  ministerium  ipsorum  pateret.  Sed  hoc  posterius  quasi  illis  extraordinarium  fuit.  Caeterum  si  Petri  apostolatus  peculiariter  ad  Iudaeos  spectabat  :  videant  Romanenses  quo  iure  successionem  primatus  ab  illo  ad  se  trahant.  Nam  si  papa  romanus  ideo  primatum  sibi  vendicat,  quia  est  Petri  successor  :  illum  in  Iudaeos  exerceat  oportet.  Praecipuus  gentium  apostolus  hic  Paulus  praedicatur:  quem  negant  romanum  fuisse  episcopum.  Itaque  ut  aliqua  primatus  sui  possessione  fruatur,  ecclesias  ex  Iudaeis  acquirat.  Nam  eum  agnoscere  apostolum  nos  decet,  qui  et  spiritus  sancti  decreto,  et  totius  collegii  apostolici  consensu,  nobis  est  nuncupatus.  Hoc  iuris  qui  in  Petrum  transfert,  is  et  divinam  et  humanam  ordinationem  confundit.  Metonymia  satis  nota  est  in  vocibus  circumcisionis  et  p  r  a  e  p  u  t  i  i  pro  Iudaeis  et  gentibus,  ideo  praetereo.  8  .  Qui  efficax  fuit.  Partes  sibi  delatas  iure  ad  se  pertinuisse  asserit:  quia  Dominus  virtutem  suam  exseruerat  in  eius  ministerio.  Talis  autem  divinae  efficaciae  manifestatio  ut  iam  saepius  vidimus,  quasi  sigillum  est  ad  obsignandam  doctrinae  certitudinem  et  sanciendum  docendi  munus.  Porro  dubium  est  an  efficaciam  Dei  referat  Paulus  ad  successum  suae  praedicationis,  an  vero  ad  gratias  spiritus  sancti,  quae  tunc  dabantur  credentibus.  Ego  non  de  nudo  successu  accipio,  sed  de  spirituali  energia,  cuius  alibi  (1.  Cor.  2,4)  meminit.  Summa  est,  non  fuisse  vanam  pactionem,  quam  inter  se  habuerint  apostoli,  sed  iudicium  divinitus  obsignatum.  9.  Quumque  cognovissent  gratiam.  Odiose  superbum  eorum  fastidium  traducit,  quibus  susque  deque  erat  Dei  gratia^  quae  primarios  apostolos  in  sui  admirationem  et  reverentiam*  traxerat.  Minime  enim  ferenda  erat  eorum  conniventia,  si  nescire  se  obtenderent  quod  initio  perspexerant  apostoli.  Hic  admonemur,  dandum  esse  locum  gratiae  Dei,  ubicunque  conspicitur,  nisi  velimus  cum  spiritu  ipso  bellum  gerere,  qui  dona  sua  otiosa  esse  non  vult.  Ergo  gratia,  quam  Paulo  et  Barnabae  datam  cernebant  apostoli,  eos  incitavit  ad  sanciendam  ministerii  societatem.  Iacobus  et  Cephas.  Iam  superius  dixi  hunc  fuisse  Alphaei  filium:  neque  enim  frater  Iohannis  esse  poterat,  quem  paulo  ante  occiderat  Herodes.