5:189  PSYCHOPANNYCHIA.  hostes  domestici,  eorum  pacem  infestant)  exuerint:  tunc  vero  demum  acquiescunt,  et  apud  Deum  resident.  Sic  enim  loquitur  propheta  (Ies.  57,  1):  Iustus  perit,  et  non  est  qui  recogitet  in  corde  suo:  et  viri  misericordiae  colliguntur:  a  facie  enim  malitiae  collectus  est  iustus.  Veniat  pax:  requiescat  in  cubili  suo,  qui  ambulavit  in  directione  sua.  Annon  eos  ad  pacem  vocat,  quibus  pax  fuerat  domestica?  Sed  quia  illis  pax  fuerat  apud  Deum,  pugna  cum  mundo:  eos  ducit  in  altiorem  gradum  pacis,  ideo  Ezechiel  (1,  28)  et  Ioannes  (Apoc.  4,  3),  quum  vellent  describere  thronum  gloriae  Dei,  circumdant  eum  iride,  quam  scimus  esse  signum  foederis  inter  Deum  et  homines  (Gen.  9,  13).  Quod  alio  loco  clarius  idem  Ioannes  docuit:  Beati,  inquit  (Apoc.  14,  13),  mortui,  qui  in  Domino  moriuntur.  A  modo  iam  dicit  spiritus,  requiescant  1)  a  laboribus  suis,  etc.  Hic  igitur  ipse  est  sinus  Abrahae.  Ipse  enim  est  qui  promissam  sibi  in  suo  semine  benedictionem,  ita  prompto  animo  complexus  est,  ut  nihil  dubitaverit,  quin  verbum  Dei  virtus  esset  ac  veritas.  Et  quasi  iam  opere  Deus  implevisset  quod  promiserat,  semen  illud  benedictum,  non  minus  certa  fide  exspectavit,  quam  si  manibus  contrectasset,  ac  omnibus  animi  corporisque  sensibus  percepisset.  Itaque  testimonium  reddit  illi  Dominus  noster,  quod  viderit  diem  suum  et  gavisus  sit  (Ioann.  8,  56).  En  pax  Abrahae,  en  quies,  en  somnus:  modo  non  polluatur  foedo  istorum  dormitantium  ore  honestum  nomen.  Quid  enim  suavius  potest  habere  conscientia  in  quo  secure  acquiescat,  hac  pace:  quae  illi  coelestis  gratiae  thesauros  aperit,  quae  dulcedine  calicis  Domini  inebriat?  Quid,  o  dormitabundi,  quum  auditis  ebrietatem,  annon  vertiginem  capitis,  gravedinem,  crassum  carnalemque  somnum  vestrum  cogitatis?  Haec  enim  ebrietatem  sequuntur  incommoda.  Haec  vos  quidem,  pro  vestra  crassitie:  at  intelligunt  theodidacti,  eodem  dicendi  usu  somnum  vocari,  tranquillitatem  conscientiae,  quam  Dominus  suis  largitur  in  domo  pacis:  quo  [fol.  12]  ebrietas  affluentia  dicitur,  qua  Dominus  suos  satiat  in  domo  opulentiae.  Si  Abraham  pacem  hanc  possedit,  medius  adhuc  inter  hostium  incursus,  labores,  discrimina,  imo  ferens  secum  suam  carnem,  hostem  domesticum  quo  nihil  est  perniciosius:  quantam  putamus  eius  pacem,  ubi  extra  hostium  ictus,  telorumque  iactus  evolavit?  Miretur  nunc  aliquis,  cur  requiescere  in  sinu  Abrahae  dicantur  electi  Dei,  qui  ex  hac  vita  ad  Deum  suum  transierunt:  nempe,  quod  in  sede  pacis  recipiuntur  cum  Abraham  patre  fidelium,  ubi  Deo  fruuntur  ad  satietatem,  citra  fastidium.  Quamobrem,  non  abs  re  Augustinus  quodam  loco:2)  Quemadmodum,  inquit,  finem  beatorum  appellamus  vitam  aeternam,  ita  possumus  vocare  pa-  1)  ut  requiescant,  1552  seqq.  2)  De  civit.  Dei  lib.  XIX.