29:189  189  SUR  LE  DEUTER.  CHAP.  XXXIII.  19O  fuge  a  luy.  Quand  donc  nous  aurons  bien  regarde  nostre  estat,  nous  saurons  que  nostre  vie  est  comme  pendante  d'un  filet,  que  la  mort  nous  menace  de  tous  costez,  que  nous  n'avons  nulle  vertu  pour  resister.  Voici  donc  le  seul  remede,  c'est  assavoir,  puis  que  Dieu  a  promis  qu'il  maintiendra  les  choses  foibles  et  debiles,  et  mesmes  qu'il  semble  selon  le  monde  que  tout  se  doive  escouler:  que  neantmoins  il  aura  sa  main  estendue  pour  benir  ceux  qui  sont  ainsi  petis  et  mesprisez,  pour  les  tenir  en  sa  garde,  quils  seront  en  seurte.  Que  nous  ayons  donc  la  tout  nostre  repos,  que  nous  apprenions  de  nous  y  appuyer,  et  que  nous  portions  tout  aiseement  en  vertu  de  ceste  promesse-la:  et  qu'en  nous  glorificant  en  Dieu,  nous  n'ayons  point  honte  de  confesser  nostre  foiblesse,  afin  qu'il  desploye  sa  vertu,  qu'elle  soit  tant  mieux  cogneue,  quand  on  verra  qu'il  n'y  aura  rien  eu  de  nostre  coste:  que  nous  ne  soyons  point  comme  ces  glorieux,  lesquels  voudroyent  tousiours  cacher  leur  foiblesse,  encores  qu'elle  soit  cogneue.  Et  quelle  sottise  est  cela,  de  vouloir  apparoistre  quelque  chose  quand  nous  n'avons  rien?  n'est-ce  pas  combatre  contre  nature?  Et  cependant  nous  combattons  en  ce  faisant  a  l'encontre  de  Dieu:  car  c'est  pour  obscurcir  sa  gloire,  quand  nous  voulons  esblouyr  les  yeux,  et  qu'on  cuide  qu'il  y  a  ie  ne  say  quoy  en  nous  qui  n'y  est  pas.  Apprenons  donc  de  confesser  en  (oule  simplicite  nostre  petitesse>  afin  que  nous  incitions  les  uns  les  autres  de  recourir  a  nostre  Dieu:  et  que  si  nous  ne  sommes  qu'une  petite  poignee  de  gens,  s'il  n'y  a  quasi  point  de  vigueur  en  nous:  que  toutesfois  nous  soyons  maintenus  d'enhaut,  quand  nous  serons  exposez  a  tous  les  perils  d'ici  bas.  Apres  que  Moyse  a  parle  de  Dan,  il  adiouste  do  Nephthali  :  Qu'il  sera  saoule  de  la  faveur,  ou  bon  plaisir,  ou  gratuite:  (car  le  mot  emporte  cela,  une  amour  gratuite).  Il  sera  donc  saoule  de  la  faveur  gratuite,  il  sera  rempli  de  la  benediction  du  Seigneur,  Or  quant  a  Nephthali,  il  est  dit  en  la  benediction  de  Iacob,  qu'il  sera  comme  une  biche  qui  sait  eschapper  le  danger,  une  biche  mignonne  qui  est  nourrie  en  delices,  qui  aura  ses  propos  gracieux,  et  qu'on  s'en  contentera.  Iacob  par  cela  a  voulu  signifier,  que  ceste  lignee  ne  seroit  point  tant  aguerrie  que  les  autres:  mais  qu'elle  se  maintiendra  d'une  autre  facon,  c'est  assavoir,  quelle  sera  paisible  et  amiable,  et  qu'il  n'y  aura  que  propos  de  douceur,  et  que  personne  ne  la  molestera.  Or  au  lieu  de  cela  il  est  dit  en  ce  passage,  que  Nephthali  sera  saoule  de  la  faveur  gratuite  de  Dieu.  La  condition  donc  de  (este  lignee  a  este  meilleure  que  de  Dan,  ou  de  Gad,  lesquels  avoyent  des  ennemis,  et  estoyent  assaillis  continuellement,  pource  que  Dieu  ne  leur  avoit  point  donne  un  estat  paisible.  Or  nous  savons  que  toutes  les  richesses  du  monde,  et  tout  ce  que  nous