27:189  189  SUR  LE  DEUTER.  CHAP.  XII.  190  avons  expose)  Dieu  avoit  assigne  des  villes  esparses  aux  Levites,  a  ce  qu'il  y  eust  semence  par  tout  le  pays  de  bonne  doctrine.  Nous  savons  quelle  estoit  la  condition  de  ceste  lignee-la:  comme  il  en  est  parle  au  second  chapitre  du  Prophete  Malachie,  c'est  assavoir  que  les  levres  du  sacrificateur  doivent  enseigner  science,  et  qu'on  doit  interroguer  sa  bouche  pour  avoir  bonne  doctrine,  et  que  les  sacrificateurs  estoyent  comme  messagers  du  Dieu  vivant.  Dieu  donc  avoit  choisi  ceste  lignee  de  Levi,  afin  qu'ils  fussent  tousiours  avec  le  peuple,  pour  le  tenir  en  bonne  religion  et  pure.  Car  s'ils  eussent  este  assemblez  en  quelque  coin,  comme  les  autres  lignees  avoyent  leur  partage,  tout  le  peuple  eust  este  sans  doctrine.  Mais  quand  il  n'y  avoit  lignee  qui  n'eust  quelque  ville  propre  pour  les  Levites,  voila  comme  la  semence  estoit  espandue:  que  ceux  que  Dieu  avoit  ordonnez  pour  gouverner  son  Eglise,  et  pour  le  regime  spirituel,  estoyent  departis  tellement  que  la  terre  en  estoit  comme  fournie  par  tout.  Or  maintenant  il  est  dit,  que  le  peuple  s'esiouyra  avec  les  Levites  qui  estoyent  meslez  parmi  eux.  Et  pourquoy?  Car  ceux-la  pouvoyent  tenir  le  peuple  en  quelque  reverence:  encores  qu'il  y  en  eust  de  dissolus,  quand  ils  voyoyent  les  Levites  qui  portoyent  leurs  marques,  et  qui  estoyent  specialement  choisis  pour  ce  regime  spirituel  de  l'Eglise,  cela  les  tenoit  en  bride.  Et  ainsi  nostre  Seigneur  voyant  la  fragilite  de  son  peuple,  a  donne  ceste  aide,  afin  de  les  tenir  en  ordre,  et  en  modestie.  Comme  s'il  disoit:  II  est  vray  que  ie  vous  ay  eleus  pour  mon  heritage,  et  vous  estes  un  peuple  dedie  a  moy:  mais  cependant  il  y  a  une  sainctete  speciale  aux  Levites,  pource  qu'ils  approchent  du  tabernable,  et  sont  commis  afin  de  vous  exposer  la  Loy,  et  de  vous  retenir,  que  vous  ne  soyez  point  adonnez  a  superstitions,  que  vous  ne  decliniez  point  apres  les  dieux  estranges.  Puis  donc  que  i'ay  commis  ceste  chargela  a  mes  Levites,  qu'ils  soyent  avec  vous:  quand  vous  les  verrez,  que  vous  soyez  tant  mieux  incitez  a  me  craindre,  et  a  vous  esiouir  sainctement,  sans  vous  prophaner  aux  cupiditez  du  monde:  comme  vous  voyez  que  les  incredules  se  desbordent  du  tout.  Voyans  que  ie  vous  adresse  mes  Levites  qui  sont  la  comme  messagers  envoyez  de  par  moy,  et  que  ma  Loy  est  en  leur  bouche,  et  que  leur  office  est  de  porter  ma  doctrine,  que  vous  ne  soyez  point  ainsi  adonnez  a  dissolutions:  mais  plustost  que  vous  cognoissiez  que  i'habite  au  milieu  de  vous:  et  quand  vous  voyez  mes  serviteurs,  que  co  vous  soit  enseigne  que  ie  vous  suis  prochain,  et  que  vous  ne  devez  pas  vous  separer  de  moy.  Or  par  cela  nous  sommes  admonnestez  de  nous  tenir  en  sobriete  et  modestie,  et  que  nous  avons  besoin  d'estre  iournellement  exhortez  par  la  parolle  de  Dieu,  de  peur  de  nous  desbaucher:  car  nous