20:189  189  1563  NOVEMB.  190  simus  D.  Calvinus  et  sui  symmystae,  et  D.  Franciscus  Pontanus  6)  dictus  Monsieur  della  Planche  7)  quem8)  rogo  ut  salutet  D.  Laurentium  Normandium  et  dicat  illi  quod  si  ecclesiae  Polonicae  non  persolvent  illi  meum  debitum  octoginta  octo  coronatorum,  ut  in  generali  synodo  constitutum  est,  et  ego  vivens  non  habuero  modum  solvendi,  tunc  ex  mea  suppellectili  mea  uxor,  et  illi  quibus  commisero,  quod  iam  in  meo  testamento  feci,  persolvent  illi  totum  debitum.  Deus  novit  me  non  esse  in  causa  quod  hactenus  non  sit  illi  satisfactum,  quamvis  ex  illis  libris  centum  floreni  Polonici  non  sint  mihi  redditi.  Malo  relinquere  nudos  meos  quam  ut  D.  Normandius  damnum  patiatur.  Ego  quamdiu  hic  apud  hunc  principem  mansurus  sim  ignoro:  donec  Pinczovia  et  Vilna  literas  accepero.  Non  scribo  D.  Calvino,  nec  scribam  donec  cognovero  illum  non  esse  persuasum  a  Stanislao  Sarnitio  et  Iacobo  Sylvio,  quos  ego  semper  paratus  ostendere  toti  orbi  esse  impudentissimos  calumniatores:  nec  ipsi  poterunt  tergiversari.  Imo  unus  illorum,  i.  e.  Iacobus  Sylvius,  in  synodo  publice  fassus  est  se  non  intellexisse  me,  et  agnovit  suum  errorem.  Tandem  reversus  ad  vomitum  sparsit  libellum  famosum,  similem  (et  turpiorem)  priori  libello  a  se  subscripto,  et  alteri  libello  a  Sarnicio  relicto  senioribus,  (qui  libelli  sunt  apud  me)  quum  proficisceretur  in  Italiam.  Rogo  iterum  atque  iterum  ut  efficias  quod  D.  Calvinus  has  legat*  Mitte  eas  in  manus  D.  Francisci  Pontani,  si  est  Genevae:  si  abest,  in  manus  alicuius  qui  ostendat  D.  Calvino.  Vale  et  saluta  reverenter  D.  Bullingerum  et  D.  Ochinum  et  reliquos  fratres  Tigurinos  et  Italos.  Ex  Regio  monte  23.  Novembris  1563.9)  Tuus  Franc.  Lysmaninus.  6)  Fr.  du  Pont  Bonivardi  viduam  duxerat  7)  Nomen  dubium.  8)  quem  ]  rogo:  hic  subsistit  textus  in  Cod.  43  et  continuatur  in  God.  25.  9)  Quum  ultima  Lismanmi  fata  minus  bene  cognita  sint  haec  epistola  aliquatenus  lacunam  explere  potent.  Lubien.  168:  Quum  illud  excitatum  discordiae  a  Sarnicio  incendium  surgeret  et  latius  indies  serperet,  Lismaninus  studia  redintegrandae  concordiae  resumere  :  quatuor  illorum  ecclesiae  quarti  saeculi  doctorum,  Ambrosii,  Hieronymi,  Augustini  et  Chrysostomi  autoritatem,  quasi  partibus  dissidentibus  conciliandis  commodum  remedium,  proponere:  hinc  centonem  ex  illis  consuere  {cf.  Sand  35).  Sed  illud  consilium  et  studium  vanum  fuit.  .  Sand  I.  I  :  Regiomonti,  ubi  apud  ducem  Borussiae  degebat,  Lismaninus  in  phrenesin  lapsus  (cui  a  iuventute  obnoxius  erat)  in  puteum  decidit  atque  ita  submersus  est,  c.  annum  ut  colligo  1563.  Budzinius  c  26  hunc  casum  narrans  dicit  relatum  sibi  esse,  uxorem  eius,  quae  iam  antea  adulterio  suspecta  erat,  huius  interitus  causam  fuisse.