10.1:189  CONSILIA.  libus  est  reposita  in  coelis,  sub  spe  et  exspectatione  resurrectionis  ad  gloriam  aeternam.  Fixa  enim  etiam  illa  nobis  spes  haerere  debet,  quamdiu  corpora  nostra  in  terra  quiescunt,  animas  apud  illum  victuras  in  coelis.  Quod  ad  illud  quod  a  me  quaeris,  liceatne  christiano  homini  participare  coenae  Domini  quae  istic  administratur:  responsio  aperta  est,  licere  omnino,  modo  coena  Christi  ea  sit  de  qua  agitur.  Atqui  ubi  rem  uti  par  est  expenderis,  invenies  non  magis  convenire  inter  coenam  Domini  ac  missam  papisticam,  quam  inter  lucem  ac  tenebras.  Constat  quidem  ordinationem  Domini  deteriorem  fieri  non  posse  pravitate  hominum  vel  ignorantia;  sed  illud  pernego,  missam  ad  Christum  autorem  referri  posse:  quin  potius  in  ipsius  contumeliam  ab  ipso  Satana  fabricatam  affirmo  ad  sanctae  coenae  eversionem  certissimam.  Plane  enim  ex  diametro  illi  repugnat,  ubi  sacrificii  nomine  censetur,  atque  in  actionem  temere  inventam  vis  et  efficacia  passionis  Domini  transscribitur.  Exstat  illic  praeterea  apertissima  idololatria,  non  tantum  ubi  panis  adoratur,  sed  quia  et  oratur  pro  defunctis,  et  merita  atque  intercessiones  sanctorum  implorantur,  et  pleraque  eiusmodi  illic  fiunt,  quae  Dominus  nominatim  condemnat.  Quare  non  magis  licet  fidelibus  communicare  illi  superstitioni,  quam  olim  licebat  sacrificare  in  Bethel.  Illud  enim  omnino  repugnat  confessioni  fidei,  quam  a  nobis  Dominus  requirit.  Sed  quia  hoc  argumentum  pertractatum  est  fusius  in  libris  ea  de  re  editis,  a  te  peto  ut  illos  diligenter  evolvas.  Te  interea  gratiae  Domini  commendo,  ut  ipse  suam  voluntatem  te  edoceat  et  aperiat  oculos,  ut  nigrum  a  candido  discernas:  sic  enim  tibi  non  defuturum  confido  in  quo  acquiescas.  Tibi  vero  omnem  licentiam  praecidas  simulandi  interea  impietatem  a  te  ullo  modo  approbari.  Dominus  sua  in  te  dona  adaugeat,  atque  ubi  quod  rectum  est  ostenderit,  det  etiam  animum  constantem,  ut  in  eo  agnito,  ut  par  est,  adhaereas.  Genevae  15.  Iunii.  Tuus  Calvinus.  QUI  LICEAT  PARTICIPARE  CULTUI  ROMANAE  SYNAGOGAE.  !)  Quia  de  quaestionibus  quas  moves,  iam  decem  fere  annis  ex  variis  partibus  exhibita  fuit  molestia,  neque  hoc  trecentis  responsis  adeptus  sum,  ut  quiescere  in  posterum  liceret:  nihil  melius  esse  duxi,  iusto  taedio  victus,  quam  locum  dare  superioribus  meis  scriptis,  ne  implacabilis  multorum  curiositas  frustra  me  conficeret.  Quare  si  breviter  tibi  et  concise  respondeo,  non  solum  temporis  angustiis,  1)  JEpp.  et  Besp.  ed.  Genev.  p.  328,  Laus.  p.  435,  Hanov.  p.  487,  Chouet  p.  450,  Amst  p.  205.