1:189  [CO  1.  189]  pastores  ecclesiae  vocari,  qui  nullum  unquam  e  suo  grege  viderint,  qui  violenter  in  ecclesiae  possessionem  quasi  in  hostile  praedium  irruperint,  qui  forensibus  iurgiis  evicerint,  qui  pretio  redemerint,  qui  sordidis  obsequiis  emeruerint,  qui  pueri  vixdum  balbutientes,  in  eam  ceu  haereditatem  a  patruis  et  cognatis,  creverint?  An  unquam  eo  progressa  esset  populi,  quantumvis  corrupti  et  exlegis  licentia?  Qui  hanc  ecclesiae  [OS  216]  faciem  quae  nostra  aetate  visitur,  siccis  oculis  spectare  possunt,  crudeles  sunt  et  impii;  qui  cum  mederi  possint,  negligunt,  omnem  inhumanitatem [p. 387]  superant.  Nunc,  quod  secundum  est  in  presbyterorum  vocatione,  exequamur:  quo  caeremoniae  genere  initiandi  sint.  Dominus  noster,  cum  apostolos  amandaret  ad  evangelii  praedicationem,  insufflavit  in  eos  (Ioan.  20).  Quo  symbolo  spiritus  sancti  virtutem,  qua  illos  donabat,  repraesentavit.  Hanc  insufflationem  retinuerunt  boni  isti  viri  et,  quasi  spiritum  sanctum  e  gutture  suo  egerant,  super  suos,  quos  formant  sacrificulos  demurmurant:  accipite  spiritum  sanctum.  Adeo  nihil  praetereunt,  quod  non  praepostere  effingant,  non  dico  instar  histrionum,  qui  rationem  et  modum  quendam  habent  suae  gesticulationis,  sed  instar  simiarum,  quae  lascive  et  absque  ullo  delectu  quidvis  imitantur.  Servamus,  inquiunt,  exemplum  Domini.  At  multa  egit  Dominus,  quae  nobis  exempla  esse  noluit.  Dixit  Dominus  discipulis:  accipite  spiritum  sanctum;  dixit  et  Lazaro:  Lazare  veni  foras;  dixit  paralytico:  surge  et  ambula.  Cur  non  eadem  dicunt  omnibus  mortuis  et  paralyticis?  Divinae  suae  virtutis  specimen  edidit,  cum  insufflando  in  apostolos,  spiritus  sancti  gratia  illos  replevit.  Hoc  ipsum  si  conantur  efficere,  Deum  aemulantur  et  tantum  non  ad  certamen  provocant.  Sed  longissime  absunt  ab  effectu,  nec  aliud  inepto  isto  gestu,  quam  Christo  illudunt.  Sunt  quidem  adeo  effrontes  ut  asserere  ausint, [p. 388]  conferri  a  se  spiritum  sanctum,  sed  quam  id  verum  sit  docet  experientia,  quae  clamat,  ex  equis  fieri  asinos,  ex  fatuis  phreneticos,  quicunque  in  sacerdotes  consecrantur.  Nec  tamen  hinc  pugnam  illis  facio,  tantum  caeremoniam  ipsam  damno,  quae  in  exemplum  trahi  non  debuit,  quandoquidem  a  Christo  in  singulare  miraculi  symbolum  usurpata  est.  Tantum  abest  ut  illis  patrocinari  debeat  imitationis  excusatio.  Unctionem  vero  a  quo  tandem  acceperunt?  Respondent,  se  accepisse  a  filiis  Aaron:  a  quo  suus  ordo  sumpsit  initium.  1)  Perversis  igitur  exemplis  perpetuo  se  tueri  malunt,  quam  fateri  a  se  excogitatum,  quod  temere  usurpant.  Sed  interim  non  animadvertunt,  dum  successores  se  profitentur  filiorum  Aaron,  Christi  sacerdotio  se  esse  1)  Lib.  4.  sentent.  dist.  24.  c.  8.  et  in  canon.  dist.  21.  c.  1.