9:188  visibile  et  mortale:  alibi  autem,  vel  nusquam,  et  tamen  simul  ubique  occultum  et  gloria  sua  coelesti  praeditum,  latebat.  Interea  modum  praesentiae  alium  definimus,  quam  somniant  Magdeburgenses.  Neque  enim  ut  potiamur  carne  et  sanguine  Domini,  utriusque  descensum  ad  nos  imaginari  necesse  est:  quando  ad  coniunctionem  sufficit  arcana  spiritus  virtus.  Duodecimum  fundamentum  misere  vacillat.  Haec  eorum  sunt  verba:  in  altera  parte  huius  coenae  non  variat  verbis,  sed  iterum  dilucide  et  distincte  eadem  repetit:  Hic  est  sanguis  meus.  Vel  hic  saltem  figurasset  Christus  paululum,  si  non  res  ipsas  de  quibus  loquitur  tradidisset.  Rem  longe  maximam  ordinat:  ideo  serio,  non  simulate  [pag.  140]  loquitur;  aperte,  non  in  parabolis.  Nos  vero  neque  simulationem  affingimus  filio  Dei,  qui  libenter  agnoscimus  mysterium  hoc  impleri  incomprehensibili  spiritus  virtute,  neque  fucum  facimus  ex  parabolis:  ut  nobis  tacentibus,  facile  appareat,  putidos  esse  scurras,  qui  sic  garriunt.  Sed  qua  fronte  negare  audent  varietatem  sermonis  esse  in  calice  porrigendo?  Lucas  sane,  et  Paulus  quasi  ex  ore  Christi  recitant:  Hic  calix  novum  testamentum  est  in  meo  sanguine.  Si  paululo  contenti  essentl)  Magdeburgenses,  magis  eos  afficere  debuerat  tam  clarum  discrimen.  Coenae  mysterium  quatuor  testes  e  coelo  missi  eodem  spiritu  directore  et  magistro  exponunt:  duo  calicem  appellant  sanguinem  novi  testamenti:  reliqui  testamentum  in  sanguine.  Si  sensu  nihil  differunt  haec  verba,  cur  non  a  litibus  mox  cessamus?  Si  diversum  esse  sensum  volunt  Magdeburgenses,  iam  in  re  ipsa,  nedum  in  verbis  erit  varietas.  Mirarer  [pag.  141]  tam  obliviosos  fuisse,  nisi  ubique  supina  eos  securitas  ad  hanc  licentiam  impelleret.  Caeterum,  quum  iisdem  verbis  idem  prodiderint  omnes  evangelistae,  hoc  merito  quasi  confessum  sumimus,  non  aliter  dari  in  coena  Christi  corpus,  quam  fert  novi  testamenti  ratio,  nempe  ut  ipse  caput  nostrum  sit,  et  nos  eius  membra.  Ac  ne  longius  spatiemur,  non  alia  carnis  et  sanguinis  communicatio  in  coena  quaerenda  est,  quam  quae  a  Christo  describitur  Ioannis  VI.  capite,  a  qua  longe  discrepat  carnalis  esus,  quo  se  per  somnium  pascunt  crassi  isti  doctores.  Tertia  decima  obiectione  nihil  aliud  quam  se  falsarios  et  improbos  calumniatores  produnt:  quia  non  aliud  corpus  se  dare  Christus  dicit,  quam  quod  paulo  post  in  cruce  mactandum  erat.  Colligunt  non  esse  spirituale  corpus,  hoc  est,  ecclesiam.  Quasi  vero  mysticum  in  coena  corpus  sumamus  pro  ecclesia.  Hoc  certe,  velint  [pag.  142]  nolint,  nobis  principium  cum  ipsis  commune  est:  designari  Christi  1)  se  contentoyent  de  raison.