7:188  qu'il  modere  les  sortz  et  les  autres  choses  qui  semblent  bien  advis  [page  94]  estre  fortuites:  et  si  quelcun  est  tue  sans  y  penser,  et  non  a  escient,  1)  que  c'est  luy  qui  est  cause  de  sa  mort:  et  qu'il  l'a  ainsi  voulu:  a  fin  que  nous  estimions  que  rien  n'advient  a  l'adventure  :  mais  selon  qu'il  l'a  determine  en  son  conseil.  Et  se  courrouce  amerement  quand  on  pense  que  les  choses  viennent  d'ailleurs  ou  qu'ont  ne  regarde  point  a,  luy,  pour  le  recongnoistre  non  seulement  la  cause  principale  de  tout:  mais  aussi  autheur,  qui  par  son  conseil  dispose  ainsi  ou  ainsi.  Prenons  donc  ceste  resolution,  que  tant  prosperite  qu'adversite,  pluye,  vent,  gresle,  gelee,  beau  temps,  abondance,  famine,  guerre,  paix,  sont  oeuvres  d&  la  main  de  Dieu;  et  que  les  creatures  qui  en  sont  causes  inferieures,  ne  sont  que  moyens  dont  ii  se  sert  pour  accomplir  sa  volunte:  et  pourtant  qu'il  les  dispose  et  tourne  ou  il  luy  plaist,  pour  les  amener  a,  ce  but,  que  ce  qu'il  a  ordonne  vienne  &  effect.  D'avantaige  il  est  a  noter,  que  non  seulement  il  s'ayde  en  ceste  sorte  des  creatures  insensibles,  pour  operer  et  mettre  en  execution  [page  95]  son  vouloir  par  icelles:  mais  aussi  des  hommes  et  des  diables  mesmes.  Tellement  que  Sathan  et  les  meschans  sont  executeurs  de  son  vouloir.  Comme  il  s'est  servy  des  Egyptiens  pour  affliger  son  peuple:  un  temps  apres  il  a  suscite  les  Assyriens  pour  le  chastier  quand  il  avoit  forfaict:  et  autres  semblables.  Quant  au  diable  nous  voyons  qu'il  s'en  est  servy  pour  tormenter  Saul  (1  Sam*  16,  14;  18,  10),  pour  decevoir  Achab  (i  Rois  22,  22),  et  exercer  ses  iugemens  sur  tous  iniques,  quand  il  en  a  este  mestier  (Ps.  78,  49):  ou  bien  au  contraire  pour  eprouver  la  constance  des  siens:  comme  nous  en  avons  l'exemple  en  Iob.  Or  les  Libertins  oyans  ces  passages,  y  vont  a,  l'estourdie:  et  sans  regarder  plus  avant,  concluent  que  les  creatures  donc  ne  font  plus  rien.  Or  par  ce  moyen,  ilz  font  un  terrible  meslinge.  Car  non  seulement  ilz  confondent  le  ciel  et  la  terre  tout  ensemble,  mais  Dieu  et  le  diable.  Cela  vient  par  faute  d'observer  deux  exceptions,  lesquelles  sont  bien  requises.  La  premiere  est,  que  Sathan  et  les  meschans  ne  sont  pas  tellement  instrumens  de  Dieu,  que  [page  96]  ce  pendant  ilz  n'operent  aussi  bien  de  leur  coste.  Car  il  ne  faut  pas  imaginer  que  Dieu  besongne  par  un  homme  inique,  comme  par  une  pierre  ou  par  un  tronc  de  bois:  mais  il  en  use  comme  d'une  creature  raisonnable,  selon  la  qualite  de  sa  nature  qu'il  luy  a  donnee.  Quand  donc  nous  disons  que  Dieu  opere  par  les  meschans,2)  cela  n'empesche  pas  que  les  meschans  n'operent  aussi  en  leur  endroict.  Ce  1)  forte  et  non  ex  industra.  2)  per  creaturas.