51:188  dixisset:  Quaquaversum  respiciant  homines,  nihil  reperient  in  salutis  doctrina  quod  non  huc  referendum  sit.  Continet  enim  una  Christi  dilectis  omnes  sapientiae  numeros.  Ideo  quo  facilior  sit  sensus,  ita  resolvi  debent  verba:  Ut  valeatis  comprehendere  Christi  dilectionem,  quae  est  longitudo,  latitudo,  profunditas  et  altitudo  sapientiae  nostrae,  hoc  est,  tota  perfectio.  Similitudinem  enim  sumit  a  mathematicis,  ut  a  partibus  totum  designet.  Quoniam  hic  omnium  fere  communis  est  morbus,  rerum  inutilium  studio  ardere.  Utilis  valde  est  ista  admonitio:  quid  scire  nobis  expediat,  et  quid  Dominus  considerare  nos  velit  sursum,  deorsum,  ad  dextram  et  sinistram,  a  fronte  et  a  tergo.  Dilectio  Christi  nobis  proponitur,  in  cuius  meditatione  nos  exerceamus  dies  ac  noctes:  et  in  quam  nos  quasi  demergamus.  Hanc  unam  qui  tenet,  satis  habet:  extra  eam  nihil  est  solidum,  nihil  utile,  nihil  denique  rectum  aut  sanum.  Circumeas  licet  coelum,  terras,  maria:  non  altius  transscendes,  quin  legitimum  sapiendi  finem  transsilias.  19.  Quae  cognitionem  exsuperat  Sic  alibi  (Philip.  4,  6),  Pax  Dei  quae  exsuperat  omnem  sensum,  custodiat  corda  vestra.  Nam  hominem,  ut  ad  Deum  accedat,  supra  se  et  mundum  attolli  oportet.  Hoc  est  quod  sophistas  impedit  quominus  concedant,  nos  de  gratia  Dei  posse  esse  certos.  Nam  fidem  metiuntur  humani  sensus  apprehensione.  Atqui  Paulus  scientiam  hic  statuit,  quae  sit  omni  notitia  superior.  Et  merito.  Nam  si  huc  facultas  humana  conscenderet,  frustra  peteret  nunc  Paulus  ipse  a  Deo  donari.  Meminerimus  ergo  fidei  certitudinem  esse  scientiam,  sed  quae  spiritus  sancti  magisterio,  non  ingenii  nostri  acumine  discitur.  Plura  si  volent,  ex  Institutione  petant  lectores.1)  Ut  sitis  completi.  Uno  verbo  iam  declarat  quid  per  varias  dimensiones  intellexerit:  nempe  qui  Christum  habet,  eum  omnia  habere,  quae  requiruntur  ad  nostram  in  Deo  perfectionem.  Nam  hoc  significat  Dei  plenitudo.  Alioqui  homines  in  se  ipsis  complementum  habere  se  fingunt:  sed  ut  quisquiliis  aut  vento  turgeant.  Perperam  autem  illi  et  impie  delirarunt,  qui  complementum  Dei  interpretati  sunt  plenam  divinitatem,  quasi  homines  fiant  Deo  aequales.  20.  M  autem^  qui  potest  cumulate  super  omnia  facere  quae  petimus  aut  cogitamus,  secundum  potentiam  in  nobis  agentem^  21.  sit  gloria  in  ecclesia  per  Iesum  Christum,  in  omnes  aetates  saeculi  saeculorum,  Amen.  Tandem  erumpit  in  gratiarum  actionem,  quae  tamen  exhortationem  simul  continet  ad  bene  spe-  *)  Edd.  priores  addunt:  Cap.  quintum.