50:188  fidem  suam,  de  qua  suborti  erant  sinistri  rumores,  exposuit:  illi  vero  suo  assensu  probarunt.  7.  Imo  contra.  Protinus  illi  dederunt  dext  r  a  s  societatis.  Ergo  testimonium  reddiderunt  eius  doctrinae:  idque  citra  exceptionem,  quia  nihil  attulerunt  contra,  ut  in  rebus  controversis  fieri  solet:  et  commune  sibi  cum  eo  evangelium  professi  sunt}  adeoque  ipsum  collegae  honore  et  gradu  dignati.  Deinde  conditio  huius  societatis  fuit,  quod  provincias  inter  se  partiebantur.  Ergo  erant  aequales  :  nihil  in  Paulo  subiectionis.  Dare  dlfcctras  societatis  hic  significat  habere  pactam  societatem.  Quum  vidissent  mihi  concreditum.  Negat  apostolos  in  hoc  sibi  gratificatos  esse,  ut  eorum  nutu  vel  concessione  factus  sit  apostolus:  sed  honorem  apostolatus  sibi  fuisse  ab  illis  concessum  dicit,  ne  tollerent  quod  Deus  dederat.  Semper  hoc  urget,  se  apostolum  Dei  dono  et  ordinatione  fuisse  creatum:  sed  hic  adiungit  se  agnitum  fuisse  talem  ab  ipsis  apostolis:  inde  sequebatur,  tentare  istos  nebulones  quod  ausi  non  fuerant  apostoli,  ne  Dei  electioni  repugnarent.  Atque  hic  incipit  sibi  vendicare  quod  habebat  proprium  ac  peculiare  prae  aliis:  nempe  apostolatum  praeputii.  In  hoc  enim  differebant  a  reliquis  Paulus  et  Barnabas,  quod  apostoli  erant  destinati  gentibus.  Id  oraculo  Dei  fuerat  factum:  quod  ratum  esse  apostoli  non  modo  passi  sunt,  sed  etiam  voluerunt:  quia  impium  erat  non  parere.  Videmus  ergo  qualiter  secundum  oraculum  inter  se  officia  distribuerint:  nempe  ut  Paulus  et  Barnabas  gentium  essent  apostoli:  alii  autem  Iudaeorum.  Sed  videtur  hoc  Christi  mandato  adversari:  quo  iubentur  duodecim  ire  in  mundum  universum.  Respondeo,  hoc  non  restringi  ad  singulas  eorum  personas,  sed  finem  officii  describi  generaliter:  nempe  quod  publicari  debeat  salus  cunctis  gentibus  per  evangelii  doctrinam.  Constat  enim  apostolos  nunquam  peragrabse  orbem  terrarum.  Imo  neminem  ex  duodecim  credibile  est  unquam  in  Europam  transiisse:  nam  quod  de  Petro  asserunt,  nescio  an  fabulosum  sit:  sane  perquam  incertum  est.  Si  quis  excipiat,  tamen  singulorum  ministerium  gentibus  perinde  commune  esse  ac  Iudaeis:  fateor,  prout  occasio  tulerit.  Concedo,  inquam,  unumquemque  apostolum  munus  habuisse  propagandi  evangelii  tam  inter  gentes  quam  Iudaeos:  neque  vero  ita  inter  se  partiti  sunt,  ut  limites  haberent  interpositos,  quos  transsilire  fas  non  esset:  quemadmodum  terminari  solent  regna,  principatus,  et  praefecturae.  Nam  videmus  ut  Paulus,  quocunque  appulerat,  solenne  habuerit,  primo  suam  operam  et  ministerium  Iudaeis  offerre.  Quemadmodum  illi  inter  gentes  licuit,  Iudaeis  se  exhibere  apostolum  et  doctorem:  ita  aliis  liberum  fuit  quoscunque  possent  ex  gentibus  ad  Christum  adducere.  Quo  iure  usus  est  Petrus  erga  Cornelium  et  alios.  Sed  quia  in  ea  regione  erant  reliqui  apostoli,  cuius