5:188  test?  Id  si  nesciunt  magni  isti  theologi,  discant  ex  elementis  grammaticorum:  et  parabolam  invenient  esse  similitudinem,  sumptam  ex  veritate.  Sic,  quum  dicitur,  hominem  quendam  habuisse  duos  filios,  quibus  divisit  suas  portiones,  oportet  esse  in  rerum  natura  et  hominem,  et  filios,  et  haereditatem,  et  divisionem  portionum.  Denique,  haec  est  perpetua  lex  parabolae,  ut  primum  concipiamus  rem  nudam,  ut  proponitur:  deinde,  ex  ea  conceptione  deducamur  ad  finem  parabolae:  hoc  est,  ad  rom  ipsam,  cui  accommodatur  similitudo.  Imitentur  Chrysostomum,  hac  in  re  suum  Achillem.  Existimavit  quidem  ille  esse  parabolam,  ex  qua  tamen  veritatem  saepe  elicit.  l)  Ut  quum  inde  probat,  mortuorum  animas  in  certis  esse  locis,  ostendit  gehennae  gravitatem  et  delitiarum  perniciem.  Ne  hic  mihi  multum  verborum  perdendum  sit,  consulant  sensum  communem,  si  quem  habent:  et  facile  assequentur  vim  atque  rationem  parabolae.  Et  quando  satisfieri,  quantum  in  nobis  est,  omnibus  volumus:  nonnihil  disseremus  hoc  loco  de  animarum  quiete,  quae  in  certa  fide  promissionum  Dei,  a  corporibus  solvuntur.  Siquidem  per  sinum  Abrahae,  nihil  aliud  quam  quietem  illam  scripturae  nobis  designare  volunt.  Primum  nos  quietem  vocamus,  quam  illi  somnum.  Neque  bane  abhorreremus2)  a  somni  nomine,  nisi  iam  eorum  mendaciis  corruptum,  et  paene  pollutum  esset.  Deinde  per  quietem,  non  desidiam,  aut  veternum,  aut  aliquid  simile  ebrietatis,  quale  animae  affingunt,  intelligimus:  sed  conscientiae  tranquillitatem  et  securitatem:  quae  quum  semper  fidei  adiuncta  sit,  nunquam  tamen  perficitur,  aut  suis  numeris  constat,  nisi  post  mortem.  Audit  [fol.  11]  quidem  ex  ore  Dei  benedictiones  fidelium  ecclesia,  quae  hanc  terram  adhuc,  velut  advena,  incolit.  Ambulavit  populus  meus  in  pulchritudine  pacis,  et  in  tabernaculis  fiduciae,  et  in  requie  opulenta  (Ies.  32,  18).  Quae  et  ipsa  rursum  gratias  agens  occinit  benedicenti  Domino:  Domine,  dabis  nobis  pacem  (ib.  26,  3).  Omnia  enim  opera  nostra  operatus  es  nobis.  Hanc  pacem  habent  accepto  evangelio  fideles,  quum  Deum,  quem  prius  iudicem  cogitabant,  sibi  patrem  esse  vident:  se  pro  filiis  irae,  filios  gratiae:  effusa  in  se  viscera  misericordiae  Dei;  ut  iam  nihil  aliud  a  Deo  exspectent,  quam  bonitatem  et  mansuetudinem.  Verum,  quoniam  militia  est,  vita  hominis  super  terram  (Iob.  7,  1),  necesse  est  eos,  qui  sentiunt  et  aculeos  peccati  et  carnis  reliquias,  in  mundo  pressuram  habere,  in  Deo  autem  consolationem:  atque  ita  non  plane  animo  esse  composito  et  imperturbato.  Verum,  quum  carnem  et  concupiscentiam  (quae,  ceu3)  1)  Hom.  25.  in  Matth.;  Homil.  57.  in  eundem.  In  paraenesi  ad  Theod.  lapsum.  Quanquam  homil.  4.  in  Matth,  videtur  narrare  ut  historiam.  2)  abhorremus,  1576  seqq.  quibus  hic  adstipulatur  versio  gdllica,  3)  1542  et  1545:seu.