29:188  comme  un  lionceau  qui  sautera  de  Basan,  du  lieu  qui  luy  estoit  assigne  pour  son  partage  :  et  qu'il  se  fortifiera  tellement  qu'il  sera  maintenu  et  garde.  En  somme  nous  avons  a  recueillir  de  ce  passage,  que  nostre  Seigneur  nous  conservera  bien  s'il  luy  plaist,  encores  que  nous  ne  soyons  point  munis,  que  nous  n'ayons  pas  les  moyens  inferieurs,  que  nous  n'ayons  pas  nombre  de  gens,  que  nous  n'ayons  pas  grandes  richesses  ni  grande  estendue  de  pays:  que  donc  tout  cela  ne  nous  effraye  point,  car  Dieu  est  suffisant  pour  nous  conserver,  moyennant  que  nous  mettions  nostre  fiance  en  luy.  Voulons-nous  donc  estre  asseurez?  Il  ne  nous  faut  point  regarder  nos  forces.  Oar  voila  qui  despitte  Dieu,  et  qui  enflamme  son  ire:  quand  les  hommes  se  trouvent  bien  a  leur  aise,  et  qu'ils  ont  dequoy  pour  repousser  leurs  ennemis,  qu'ils  sont  riches  et  opulens,  qu'ils  sont  robustes:  quand  ils  presument  de  cela,  il  faut  que  nostre  Seigneur  les  despouille  du  tout,  qu'il  leur  monstre  que  c'est  en  vain  qu'ils  se  sont  confiez  en  choses  corruptibles  et  caduques,  se  destournans  de  luy.  Et  c'est  une  iuste  vengeance.  Car  nous  ne  pouvons  pas  mettre  une  seule  goutte  de  fiance  aux  creatures,  que  Dieu  ne  soit  amoindri  d'autant:  car  nous  retirons  nostre  foy  de  luy,  laquelle  y  devoit  estre  du  tout  enclose  et  comme  attachee.  Or  a  l'opposite  quand  nous  sommes  debiles,  cognoissons  qu'il  nous  faut  bien  recourir  a  la  protection  de  Dieu,  que  nous  soyons  cachez  sous  ses  aisles.  Et  Dieu  voyant  que  nous  sommes  petis,  nous  assistera.  Et  la��  dessus  que  nous  attendions  qu'il  aura  assez  de  vertu  pour  resister  a  tous  nos  ennemis  :  et  combien  qu'il  ne  semble  point  que  nous  ayons  la  force  d'une  mouche,  qu'il  nous  donnera  la  force  d'un  lion,  ou  bien  il  sera  luy-mesmes  lion  pour  nous:  comme  il  a  use  de  ceste  similitude  auparavant,  et  comme  il  en  parle  aussi  en  son  Prophete  Isaie,  qu'il  bruira  (ditil)  comme  un  lion  pour  repousser  la  fureur  et  la  violence  de  ses  ennemis,  et  ravira  la  proye,  et  personne  n'osera  approcher  de  luy  pour  la  luy  oster.  Quand  donc  nous  serons  ainsi  asseurez  de  la  bonte  de  nostre  Dieu,  nous  aurons  tousiours  dequoy  repousser  tout  ce  que  le  monde  machinera  a  l'encontre  de  nous,  quelques  perils  que  nous  voyons  prochains,  et  quasi  sur  nos  testes.  Or  nous  avons  bien  occasion  de  prattiquer  ceste  doctrine.  Car  nous  voyons  la  malice  des  adversaires  de  l'Evangile,  nous  voyons  mesmes  que  tout  est  auiourd'huy  si  confus,  qu'il  semble  que  nous  devions  estre  devorez  a  chacune  minute  de  temps:  et  encores  que  beaucoup  n'y  pensent  gueres,  si  est-ce  que  nous  avons  tousiours  le  cousteau  sur  la  gorge  a  la  verite.  Et  ne  faut  point  que  nul  se  flatte  ici:  car  nous  serions  par  trop  stupides:  il  est  question  de  sentir  nos  dangers,  afin  que  nous  soyons  incitez  d'invoquer  Dieu,  et  d'avoir  nostre  re-