20:188  vero  huiusmodi  mea  scripta  non  sunt  vobis  reddita,  suspendite  decretum  donec  de  rebus  omnibus  reddamini  certiores.  Ego  enim  hactenus  defendi  puram,  doctrinam  de  sacrosancta  triade,  aperui  blasphemias  Gentilis,  docui  patrem  filium  et  spiritum  sanctum  ex  scriptura  canonica  vocari  debere  unum  Deum,  non  persona  sed  indifferens  natura,  ut  docent  omnes  veteres,  praesertim  Hilarius  in  libro  de  synodis,  et  Ambrosius.  Ostendi  verba  Dei  in  cantico  Mosis  Deut.  32:  Videte,  videte  quia  ego  sum  Deus  et  non  est  deus  praeter,  esse  verba  filii  Dei  et  non  patris,  ut  diffuse  declarat  Hilarius  in  quarto  de  Trinitate,  idque  probat  ex  verbis  D.  Pauli  15.  ad  Rom.  et  ex  Esaia  et  cap.  14.  ad  Romanos.  Ita  ut  nullam  occasionem  praetermiserim  reduoendi  nostros  ad  viam  rectam.  Quum  autem  viderem  eos  occludere  aures,  et  quum  negarentur*  mihi  stipendium  annuum  constitutum  a  synodo  generali,  simul  et  persolutio  debitorum  quae  contraxi  serviens  vocationi:  vocatus  a  quodam  Principe  graeco,4)  nolens  tamen  sine  scitu  serenissimi  Regis  ex  regno  Poloniae  discedere,  profectus  sum  Vilnam,  centum  viginti  milliaribus  distantem  a  Pinczovia,  nondum  sanus,  imo,  quod  peius  est,  in  medio  itinere  correptus  a  colica  aegritudine  periculosa  et  quae  hactenus  me  cruciare  non  cessat.  *  Quum  appulissem  Vilnam,  receptus  sum  humanissime  ab  illustrissimo  nutritore  ecclesiarum  Lithuaniae  D.  Palatino  Vilnensi  ill.  Duce,  pro  cuius  incolumi  statu  omnes  ecclesiae,  qui*  profitentur  puram  doctrinam  deberent  orare  Dominum  assidue.  Post  dies  octo  profectus  sum  Counam  5)  :  id  oppidum  Lithuanicum  est  serenissimi  Regis.  Illic  salutavi  ill.  Ducem  Prussiae,  principem  vere  heroicum,  qui  triduum  pro  suo  more  me  excepit,  verum  et  hortatus  est  ut,  ubi  commoratus  essem  cum  illo  Principe  graeco  aliquot  dies,  venirem  ad  Montem  regium,  ubi  est  aula  ill.  suae  Celsitudinis.  Quod  et  feci,  quum  propter  bellum  Valachicum  intestinum  non  licuerit  hactenus  me  proficisci  ad  illum  Principem  graecum  qui  est  dominus  Valachiae.  Vilnae  quum  essem  salutavi  serenissimum  'Regem,  bisque  post  primam  salutationem  contuli  cum  serenissima  Maiestate  sua  de  religione  pura,  et  spero  non  inutiliter.  Descripsi  tuae  praestantiae  totum  meum  statum.  Restat  ut  haec  innotescant  omnibus  tuis  symmystis.  Et  rogo  ut  omnia,  quae  ad  eos  scribuntur  ab  adversariis,  Sarnitio  videlicet  et  Iacobo  Sylvio  et  fascinatis  ab  illis,  credatis  esse  calumnias  meras,  ut  ego  paratus  sum  docere  coram  quocunque  tribunali.  Feceris  mihi  rem  gratissimam  si  has  literas  miseris  Genevam,  ut  omnia  legat  vir  claris-  4)  Iac.  Heraclite  Basilico  despota  Valachiae,  de  quo  supra  saepius*  (Lubien  153.)  5)  Kowno.