9:187  187  ULTIMA  ADMONITIO  188  quod  promittit,  et  re  ipsa  praestet  quod  figurat,  non  tamen  astringi  eius  verba  ad  eorum  crassitiem,  qui  volunt  panem  nihil  a  corpore  differre.  Addam  et  hoc  prostremum  de  verbo  substantivo:  neque  enim  minus  in  novo  testamento  ecclesia  vocatur  Christus,  quam  panis  corpus.  Verba  Pauli  sunt:  Sicuti  membra  corporis  unius,  quum  multa  sint,  unum  sunt  corpus,  sic  et  Christus  (1  Cor.  12,  12).  Si  illa  est  nova  loquutio,  cui  nulla  reperitur  similis,  discrimen  mihi  ostendant,  ne  eodem  iure  contendere  mihi  liceat,  nos  omnes  vere  et  proprie  esse  Christum,  quo  ipsi  asserunt  panem  esse  corpus.  Talem  esse  Christum  pronunciat  Paulus,  qualis  est  connexio  [pag.  137]  corporis  unius  ex  pluribus  membris.  Talisne  reperietur  Christus  in  se?  Nisi  ergo  confusum  fingendo  chaos,  velint  se  in  horrendum  labyrinthum  demergere,  paululum  mitescant  ad  recipiendos  tropos.  Decima  ratio  est  Christum  non  dixisse  figuram  corporis.  Neque  Moses  dixit  agnum  esse  figuram  paschatis:  et  tamen  nisi  quis  forte  ultro  suam  dementiam  prodere  appetet,  omnium  consensu  liquet  agnum  qui  vocatur  pascha,  figuram  esse.  Quoties  etiam  de  veteribus  sacramentis  dicitur:  Haec  erit  expiatio,  negare  certe  nemo  audebit,  figurate  hoc  intelligi.  Nec  vero  evangelista  columbam  dubitat  vocare  spiritum  sanctum:  nempe  qua  ratione  transfertur  ad  panem  nomen  corporis.  Quod  proxime  apud  eos  sequitur,  magis  est  insipidum,  Christum  quando  de  corpore  suo  disserit,  figuram  non  nominare.  Quasi  vero  cuiquam  exciderit  monstruosa  haec  loquutio,  corpus  esse  figuram  corporis.  Si  corpus  [pag.  138]  suum  monstrasset  Dominus,  nulla  esset  disceptatio.  Sed  quum  panem  monstrando  nomen  corporis  usurpet,  quaerenda  haud  dubie  est  inter  signum  et  rem  signatam  analogia.  Undecimo  capite  idem  repetentes,  forte  nescio  quid  flare  sibi  videntur.  Meum  dixit  corpus,  non  autem  figura  corporis  quod  alibi  erit:  memet,  inquit,  praesentem  vobis  exhibeo,  hoc  corpus  quod  habeo.  Primo  quum  alibi  testatus  sim  non  aliud  in  coena  offerri  Christi  corpus,  quam  quod  in  cruce  semel  oblatum  est,  facessat  calumnia  quam  ex  voce  figurae  tam  cupide  venantur.  Caeterum,  sicut  figura  rem  signatam  non  excludit:  ita  nec  figuram  repudiat  veritas.  Quid  enim  prohibet,  quo  minus  filius  Dei,  dum  ad  carnis  et  sanguinis  sui  participationem  nos  invitat,  simul  etiam  infirmitati  nostrae  consulens  proponat  externum  symbolum?  Nos  vero  quia  Dominum  ipsum  statuimus  non  fallaciter  nobiscum  agere,  certe  colligimus  dari  nobis  corpus,  dum  [pag.  139]  eius  figuram  ante  oculos  nostros  exhibet.  Viderint  tamen  quomodo  dederit  Christus  sub  pane  discipulis  idem  quod  ipsorum  oculis  obiiciebat  corpus.  Nam  si  volunt  substantialiter  sub  pane  voratum  es^e,  duplex  fuit  illius  natura:  quia  uno  in  loco  erat