6:187  LA  FORME  DES  PRIERES  pour  faire  en  nous  les  oeuvres,  lesquelles  luy  sont  agreables.  Toutesfois  le  premier  et  le  principal  poinct  de  nostre  salut,  c'est  que  par  sa  misericorde,  il  nous  remette  et  pardonne1)  toutes  noz  faultes,  ne  nous  les  imputant  point:  mais  en  eifaceant  la  memoire,  afin  qu'elles  no  nous  viennent  point  en  compte,  en  son  Iugement.  Toutes  ces  graces  nous  sont  conferees,  quand  il  luy  plaist  nous  incorporer  en  son  Eglise  par  le  Baptesme.  Car  en  ce  sacrement,  il  nous  testiffie  la  remission  de  noz  pechez.  Et  pour  ceste  cause,  il  a  ordonne  le  signe  de  l'eaue,  pour  nous  figurer,  que  comme  par  cest  element  les  ordures  corporelles  sont  nettoyees,  ainsi  il  veult  laver  et  purifier  noz  ames,  afin,  qu'il  n'y  apparoisse  plus  aucune  macule.  Puis  apres,  il  nous  y  represente2)  nostre  renouvellement,  lequel  gist,  comme  dict  a  este,  en  la  mortification  de  nostre  chair,  et  la  vie  spirituelle,  laquelle  il  produict  et  suscite3)  en  nous.  Ainsi  nous  recevons  double  grace  et  benefice  de  nostre  Dieu,  au  Baptesme  :  moyennant  que  nous  ne  aneantissions  point  la  vertu  de  ce  sacrement,  par  nostre  ingratitude.  C'est  que  nous  y  avons  certain  tesmoignage,  que  Dieu  nous  veult  estre  Pere  propice,  ne  nous  imputant  point  toutes  noz  faultes  et  offences.  Secondement  qu'il  nous  assistera  par  son  sainct  Esprit,  afin  que  nons  puissions  batailler  contre  le  Diable,  le  peche  et  les  concupiscences  de  nostre  chair,  iusques  a  en  avoir  victoire,  pour  vivre  en  la  liberte  de  son  Regne,  qui  est  le  Regne  de  iustice.  Puis  donc  que  ainsi  est,  que  ces  deux  choses  sont  accomplies  en  nous,  par  la  grace  de  Iesus  Christ:  il  s'ensuit  que  la  verite4)  et  substance  du  Baptesme  est  en  luy  comprise.  Car5)  nous  n'avons  point  d'aultre  lavement  que  son  sang:  et  n'avons  point  d'aultre  renouvellement  qu'en  sa  mort  et  resurrection.  Mais  comme  il  nous  communique  ses  richesses  et  benedictions,  par  sa  parolle:  ainsi  il  nous  les  distribue  par  ses  Sacremens.  Or  nostre  bon  Dieu,  ne  se  contentant  point  de  nous  avoir  adopte  pour  ses  enfans,  et  receu  en  la  communion  de  son  Eglise,  a  voulu  encores  estendre  plus  amplement  sa  bonte  sur  nous.  C'est,  en  nous  promettant  qu'il  sera  nostre  Dieu,  et  de  nostre  lignee,  iusque  en  mille  generations  (Gen.  17,  7  ss.).  Pourtant,  combien  que  les  enfans  des  fideles  soyent  de  la  race  corrumpue  d'Adam:  si  ne  laisse  il  point  toutesfois  de  les  accepter,  par  la  vertu  de  ceste  alliance,  pour  les  advouer  au  nombre  de  ses  1)  et  pardonne,  manque  1547  ss.  2)  1542.  1545.  1559  suiv.  Les  autres  ont:  presente.  3)  et  suscite,  manque  1547  ss.  4)  1558  suiv.:  vertu.  5)  1558  suiv.:  Et  de  fait.