55:187  187  EPIST.  AD  HEBRAEOS.  188  officium  prope  coli  inter  homines  desiit4):  quia  illa  vetus  hospitalitas,  quae  historiis  celebratur,  nobis  ignota  est:  et  cauponae  hodie  sunt  pro  hospitiis.  Caeterum  non  tantum  loquitur  de  iure  hospitii  quod  tunc  inter  divites  erat  usitatum,  sed  potius  iubet  excipi  miseros  atque  egentes,  ut  tunc  multi  domo  profugi  erant  propter  Christi  nomen.  Atque  ut  hoc  officii  genus  magis  commendet,  addit,  receptos  aliquando  fuisse  angelos  hospitio  ab  iis  qui  putabant  se  homines  recipere.  Non  dubito  quin  de  Abraham  et  Loth  hoc  sit  intelligendum.  Nam  quum  ex  quotidiano  more  hospitalitatem  colerent,  inscii  et  nihil  tale  cogitantes  in  angelos  inciderunt:  ita  non  vulgariter  ornata  fuit  illorum  domus.  Et  certe  Deus  probavit,  hospitalitatem  sibi  in  primis  cordi  esse,  quum  tale  praemium  Abrahae  et  Loth  rependit.  Si  quis  obiiciat,  rarum  illud  fuisse:  responsio  in  promptu  est,  non  angelos  tantum  recipi,  sed  Christum  ipsum,  quum  pauperes  in  eius  nomine  recipimus.  In  vocibus  graecis  elegans  est  allusio,  quae  latine  exprimi  non  potest  3.  Memores  vinctorum.  Nihil  est  quod  nos  serio  misericordiae  sensu  magis  afficiat,  quam  si  eorum  qui  affliguntur  personam  in  nos  transferamus.  Ideo  dicit  perinde  cogitandum  de  vinctis  ac  si  essemus  eorum  loco.  Quod  postea  in  altero  membro  sequitur,  tanquam  ipsi  quoque  s  i  t  i  s  in  corpore,  varie  exponunt.  Quidam  generaliter,  hoc  modo:  vos  quoque  iisdem  estis  malis  obnoxii,  ut  fert  communis  humanae  naturae  conditio.  Alii  autem  sic  restringunt:  ac  si  in  corpore  eorum  essetis.  Mihi  neutrum  placet:  refero  enim  ad  ecclesiae  corpus,  ut  sit  sensus,  quandoquidem  estis  eiusdem  corporis  membra,  communiter  vos  affici  decet  alios  aliorum  malis,  ne  quid  inter  TOS  sit  separatum.  4.  Honorabile  coniugum.  Nonnulli  exhortationem  esse  putant  ad  coniuges,  ut  pudice  et  qua  decet  honestate  matrimonium  inter  se  colant  :  ut  vir  cum  uxore  temperanter  et  caste  habitet,  nec  thorum  maritalem  indignis  lasciviis  profanent.  Ita  subaudiendum  esset  hortandi  verbum,  sit  coniugium  honorabile.  Quam  qu  am  indicativus  etiam  modus  non  male  congrueret:  dum  enim  audimus  honorabile  esse  coniugium,  simul  in  mentem  venire  debet,  honorifice  et  reverenter  in  eo  versandum  esse.  Alii  per  concessionem  dictum  accipiunt,  hoc  modo:  quamvis  honorabile  sit  coniugium,  non  tamen  scortari  fas  est.  Quem  sensum  vident  omnes  frigidum  esse.  Ego  vero2)  potius  sentio,  apostolum  hic  coniugium  scortationi,  tanquam  remedium  morbo,  opponere  :  et  contextus  clare  ostendit  hanc  fuisse  eius  mentem.  Nam  priusquam  Dominum  minetur  poenas  *)  Porro.  2)  atqui.