50:187  187  EPIST.  PAULI  AD  GALATAS  188  in  spirituali  autem  Christi  regno  facessere  debent.  Id  plausibiliter  dicitur.  Atqui  de  mundana  politia  sermo  est,  quum  dicit  Dominus  (Deut.  1,  17):  Non  accipias  personam  in  iudicio.  Sed  ego  in  illam  disputationem  non  ingredior:  quia  nihil  facit  ad  praesentem  locum.  Nam  simpliciter  intelligit  Paulus,  gradum  honoris,  in  quem  pervenerant  apostoli,  non  obstitisse  quominus  a  Deo  vocaretur  et  ex  nullo  fieret  illis  subito  aequalis.  Quamlibet  enim  magnum  esset  discrimen,  id  apud  Deum  nihil  valuisse,  qui  personarum  acceptione  non  ducitur,  et  cuius  vocatio  nullis  praeiudiciis  est  obnoxia.  Sed  videri  etiamnum  possit  hoc  absque  ratione  dixisse:  nam  ut  verum  sit,  non  respiciendas  esse  personas  in  negotio  Domini  (sicuti  hoc  diligenter  cavendum  est),  quid  hoc  ad  Petrum  et  socios  apostolos,  qui  non  sola  persona  erant  venerabiles,  sed  vera  sanctitate  et  spiritualibus  donis?  Nam  persona  timori  Dei  et  bonae  conscientiae  opponitur:  Act.  10,  34.  35,  et  1.  Petri  1,  17.  Atque  hic  est  communis  scripturae  usus.  Atqui  pietas,  rectus  zelus,  sanctimonia  et  similes  aliae  dotes  praecipuam  gratiam  et  honorem  conciliabant  apostolis.  Perinde  vero  contemptim  loquitur  hic  Paulus,  ac  si  nihil  in  ipsis  fuisset  praeter  externas  larvas.  Respondeo,  Paulum  hic  aestimare  apostolos  non  proprio  pretio,  sed  ex  inani  adversariorum  suorum  iactantia.  Nam  quo  fumos  suos  venderent,  plenis  buccis  intonabant  nomina  Petri,  Iacobi  et  Iohannis:  et  reverentia,  quae  illis  deferebatur  ab  ecclesia,  ambitiose  abutebantur  ad  contemptum  Pauli.  Non  igitur  hic  disserit  Paulus  quales  sint  apostoli,  nec  quid  de  ipsis  sentiat  seposita  contentione  :  sed  larvas  illas,  quas  obtendebant  pseudoapostoli,  refutat.  Ergo  sicuti  postea  de  circumcisione  tractabit  non  ex  proprio  sensu,  sed  ex  falsa  opinione  et  impia  quam  affinxerant  impostores  illi:  ita  etiam  nunc  de  apostolis  pronuntiat,  nihil  esse  apud  Deum  larvas,  quibus  in  mundo  splendebant.  Idque  ex  verbis  patet.  Cur  enim  praeferebant  illos  Paulo?  quoniam  eum  praecesserant.  Haec  erat  mera  larva.  Alioqui  non  dubium  quin  Paulus  pro  singulari  sua  modestia  illos  ex  animo  suspiceret,  ac  dona  Dei  in  illis  oscularetur,  qui  alibi  se  minimum  ex  apostolis  ultro  fatetur,  ac  indignum  tam  praeclaro  ordine.  Nihil  mihi  contulerunt.  Posset  etiam  legi:  nihil  mecum  contulerunt.  Idem  enim  verbum  est,  quod  prius  bis  posuit.  Sensus  tamen  est  certus,  quod  apostoli,  audito  Pauli  evangelio,  suum  ex  adverso  non  protulerint  (qualiter  fieri  solet,  ubi  habetur  aliquid  melius  et  perfectius),  sed  contenti  eius  expositione,  doctrinam  eius  simpliciter  et  sine  mora  amplexi  sint.  Ita,  ut  in  re  minime  dubia,  nullum  inter  ipsos  verbum  commutatum  fuit  Neque  tamen  ut  priores  loquendi  partes  sibi  Paulus  sumpserit  tanquam  praestantior,  ut  qui  aliis  formam  dictant  :  sed