5:187  PSYCHOPANNYCHIA.  et  sperant?  Hic  cuniculum  alium  effodere  eos  oportet,  si  subterfugere  volunt.  Veniamus  nunc  ad  historiam  divitis  et  Lazari  (Luc.  1(>,  22):  quorum  alter  praeteritis  huius  mortalitatis  laboribus  et  aerumnis,  tandem  in  sinum  Abrahae  delatus  est;  alfer  in  tormenta  delapsus:  ille  tormenta  patitur,*)  hic  recipit  consolationem.  Magnum  chaos  interpositum  inter  huius  gaudia,  et  illius  afflictionem.  Suntne  haec  somnia  portae  corneae,  de  qua  poetae  fabulantur?  Verum,  ut  habeant  effugium  quo  elabantur,  faciunt  ex  historia  parabolam:  aiuntque  fictionem  esse,  quidquid  de  Abraham,  divite,  paupere,  veritas  loquitur.  Tantum  reverentiae  et  Deo  et  verbo  eius  deferunt.  Cedo,  proferant  unum  duntaxat  in  scriptura  exemplum,  ubi  in  parabola  nomine  aliquis  vocetur.  Quid  sibi  haec  verba  volunt?  Erat  quidam  mendicus  nomine  Lazarus.  Aut  verbum  Dei  mentiri  oportet,  aut  veram  esse  narrationem.  Id  etiam  animadverterunt  veteres  scripturae  interpretes.  Nam  Ambrosius:  Narratio  est,  inquit,  magis  quam  parabola,  quia  nomen  additur.  Id  ipsum  sentit  Gregorius.  Certe  Tertullianus,  Irenaeus,  Origenes,  Cyprianus,  Hieronymus,  quasi  historiam  referunt.  Ex  quibus  Tertullianus  arbitratur  in  divitis  persona,  Herodem  signari;  [fol.  .iOj  in  Lazaro,  Ioannem  Baptistam.  Verba  autem  Irenaei  sunt:  Non  fabulam  narravit  nobis  Dominus,  Lazari  et  divitis,  etc.  Et  Cyrillus  quum2)  respondet  Arrianis,  qui  ex  eo  loco  machinam  struebant  adversus  Christi  divinitatem,  non  refellit  ut  parabolam,  sed  ut  historiam  interpretatur.  s)  Hoc  magis  ridiculum,  quod  errori  suo  praetendunt  Augustini  nomen,  quem  cavillantur  in  hanc  opinionem  consensisse:  opinor,  quia  quodam  loco4)  dixerit:  in  parabola  per  Lazarum  Christum  intelligendum:  per  divitem  Pharisaeos:  quum  nihil  aliud  significet  quam  narrationem  transferri  ad  parabolam,  si  Lazari  persona  Christo,  divitis,  Pharisaeis  attribuatur.  Hic  mos  est  eorum,  qui  in  praeiudicatam  opinionem  toto  impetu  feruntur:  quum  vident  nihil  sibi  esse  stabile,  quo  innitantur,  non  syllabarum  decipulas,  sed  ipsos  literarum  apices  in  suum  commodum  rapiunt.  Ne  quid  tamen  adhuc  obstrepant,  alibi  ipse  scriptor  profitetur,  se  pro  historia  recipere.  Eant  nunc  et  vendant  suos  fumos  in  media  luce.  Neque  tamen  effugere  possunt,  quin  semper  in  eosdem  incidant  laqueos.  Ut  enim  concedamus  esse  parabolam  (quod  minime  obtinere  possunt)  quid  aliud  evincent,  quam  esse  collationem,  quae  sine  veritate  stare  non  po-  1)  In  hoc  commate  plura  1576  seqq.  vitio  operarum  interciderunt.  2)  dum,  1552  seqq.  3)  Tertull.  lib.  adversus  Marcion.;  Irenaeus  libro  IV.  contra  haeres,  cap.  4;  Origen,  hom.  5.  in  Ezech.;  Cypr.  epist.  S;  Hieron.  inEsa.  cap.  49.  et65;  Hilarius  in  Psalm.  3;  Cyrill.  in  1.  cap.  Ioann.  cap.  22.  4)  Lib.  VIII.  de  Genesi  ad  lit.