27:187  187  SERMON  LXXXIII.  188  tous  les  vices  des  hommes,  et  qu'il  ne  laissera  point  d'estre  fidele,  encores  que  nous  soyons  tous  menteurs.  H  est  vray  (comme  i'ay  desia  dit)  que  sous  ombre  de  cela  il  ne  nous  faut  point  flatter  :  car  si  nous  sommes  obstinez  en  mal,  nostre  Seigneur  saura  bien  trouver  moyen  de  s'acquitter  de  sa  promesse,  de  laquelle  nous  serons  frustrez.  Mais  apprenons  de  recognoistre  nos  fautes,  et  les  ayans  recogneues,  apprenons  aussi  de  nous  appuyer  sur  la  bonte  de  Dieu,  ne  doutans  point  qu'elle  ne  soit  si  grande,  et  si  infinie,  que  nonobstant  tous  les  empeschemens  que  nous  mettrons  de  nostre  coste,  elle  surmontera  tellement,  qu'en  la  fin  nous  sentirons  le  salut  duquel  nous-nous  estions  ferme  la  porte.  Voila  ce  qu'il  nous  faut  retenir  de  ce  passage  de  Moyse,  quand  il  parle  que  Dieu  devoit  assigner  un  lieu,  le  quel  U  avoit  choisi  d'entre  toutes  les  lignees  d'Israel,  ou  il  vouloit  que  son  nom  fust  reclame.  Le  reste  qui  ne  se  peut  maintenant  deduire,  se  poursuyvra  ci  apres.  LE  QUATRIESME  SERMON  SUR  LE  CHAP.  XII.  V.  12-18.  DU  MARDI  S*  D'OCTOBRE  1555.  Moyse  continuant  son  propos,  commande  ici  aux  Iuifs  de  s'esiouyr  en  la  presence  du  Seigneur.  Or  combien  que  ceste  doctrine  ait  este  desia  exposee  ,  si  est-ce  qu'il  est  besoin  que  la  memoire  nous  en  soit  refreschie.  Car  ce  n'est  point  sans  cause  qu'il  en  est  ici  derechef  traitte,  et  le  sainct  Esprit  n'a  rien  mis  de  superflu,  comme  nous  avons  dit.  Les  hommes  ne  peuvent  tenir  mesure  en  leur  ioye,  qu'ils  n'y  soyent  tousiours  desreiglez:  et  cela  vient,  pource  qu'ils  ne  regardent  point  a  Dieu  en  s'esiouyssant:  qui  pis  est,  il  leur  semble  que  s'ils  ne  luy  tournent  le  dos,  ils  seront  tousiours  melancoliques.  Au  lieu  que  nous  devrions  cercher  tout  nostre  bien  en  Dieu,  pour  avoir  la  tout  nostre  repos:  il  nous  semble  que  nous  voila  bien  a  nostre  aise,  quand  nous  sommes  eslongnez  de  luy.  Or  pour  ceste  cause  Dieu  avoit  ordonne  ceste  ceremonie,  que  le  peuple  en  sacrifiant  faisoit  des  bancquets  solennels:  comme  si  on  eust  este  adverti  que  Dieu  estoit  la  present,  et  qu'il  se  declairoit  au  peuple.  Non  pas  que  ce  fust  le  tout  de  s'acquitter  une  fois  Tan:  mais  il  falloit  qu'un  chacun  remportast  ceste  instruction,  et  qu'il  eust  ceste  reigle  generale,  qu'en  beuvant  et  en  mangeant  il  falloit  tousiours  rapporter  le  tout  a  Dieu:  comme  aussi  sainct  Paul  nons  admonneste.  Et  voila  en  quoy  nous  voyons  que  la  verite  nous  demeure,  combien  que