15:187  187  EPISTOLAE  i  983.1986  188  praeiudiciis  proponeret,  vosque  in  doctrinae  vestrae  confessione  pro  fratribus  agnoscere  vellet  donec  Dominus  meliora  daret.  Agnoscendum  est  procul  dubio  Dei  beneficium,  si  quando  nobis  hospitia  procuret:  sed  interim  est  cavendum  etiam  ne  Satanae  artibus  Dei  beneficia  obtendamus.  Transformat  se  subinde  insidiatrix  illa  vipera  in  lucis  angelum  et  veluti  verae  religionis  fautor  quaedam  largitur  quae  magnam  multarum  bene  gerendarum  rerum  spem  facere  videntur,  quo  nos  inescare  primum  fucorum  suorum  lenocinio  sub  spe,  deinde  vero  incautos  ad  praecipitium  pertrahere  facilius  possit.  Hic  igitur  nos  id  potissimum  nobis  semper  sequendum  esse  putamus,  quod  debiti  inprimis  officiique  nostri  erga  Deum  eiusque  ecclesiam  ex  verbo  ipsius  esse  scimus.  Successum  vero  omnem  rerum  omnium  Domino  Deo  nostro  bonitate  ac  potentia  illius  certo  confisi  permittimus,  certi  illum  esse  et  fidelem  ut  nos  iuxta  promissiones  suas  non  deserat,  et  prudentem  ut  omnia  ad  adorandi  sui  nominis  gloriam  et  nostram  salutem  dirigere  ac  moderari  sciat,  denique  et  potentem  qui  nobis  adempto  uno  loco  alium  rursus  reddere  nosque  ab  omnibus  omnium  ubique  hominum  impetitionibus  pro  bona  sua  in  nos  propter  Christum  Dominum  voluntate  liberare  facile  possit.  Estque  haec  iam  nostra  sententia  quam  vobis  ad  vestram  postulationem  voluimus  communicare.  Deus  optimus  maximus  vestra  consilia  vestrosquo  conatus  omnes  gubernet,  et  addat  vobis  suam  gratiam,  ut  maiores  progressus  indies  in  illustranda  propagandaque  vera  religione  et  vero  ipsius  cultu  facere  possitis.  Interim  vero  vos  oramus  etiam  ut  nostri  dissipatam  mque  hic  nobiscum  ecclesiarum  in  vestris  sanctis  precibus  meminisse  velitis.  Mittimus  vobis  exemplaria  aliquot  nostrae  Confessionis  de  re  sacramentaria,  nunc  primum  hic  editae2)  ad  reprimendas  aemulorum  quorundam  nostrorum  calumnias,  quam  vobis  quoque  usui  istic  fore  putamus,  vosque  in  Domino  omnes  recte  valere  optamus.  Aemdae  6.  Iulii,  quo  die  anno  superiore  patronus  atque  altor  nostrae  in  Anglia  ecclesiae  Eduardus,  vere  sanctae  memoriae  rex  Angliae,  propter  gentis  suae  ingratitudinem  e  vivis  excessit  regnumque  suum,  de  se  illi  divinitus  donato  ingratum,  regno  coelesti  commutavit.  Anno  1554.3)  Ioannes  a  Lasco,  m.  pr.  Petrus  du  Yal  minister  ecclesiae  peregrinorum  gallicae  linguae.  Ioannes  TJtenhovius.  2)  Librum  Lasci  de  Christi  communione  edidit  Kuyper  in  Opp.  Lasci  L  235  seqq.  3)  Egregie  hanc  ep.  illustrat  Fr.  Riverius  in  sua  Historia  de  Wesaliensis  eccl.  dissipatione  in  Frankf.  Eelhandl.  L  278.