10.1:187  CONSILIA.  ceue  et  le  service  de  Dieu  maintenu  en  son  entier,  sans  se  mettre  au  reng  des  ministres,  mais  taschant  de  les  ayder  comme  ayans  superintendence  a  cela  par  authorite  royale.  Auquel  cas  combien  qu'il  y  ait  de  l'infirmite  qui  ne  soit  point  du  tout  excusable,  toutesfois  ils  seront  a,  supporter,  estans  recognus  pour  membres  honorables  de  l'Eglise  a  laquelle  ils  serviront.  Ieh.  Calvin.  1)  DE  L'EMIGRATION  POUR  CAUSE  DE  RELIGION.2)  Si  un  homme  estant  marie  soubz  la  tyrannie  du  Pape  est  contraint  de  sen  retirer,  a  cause  qu'il  ne  luy  est  permis  de  servir  fidellement  a  Dieu  en  telle  purete  qu'il  doit:  ie  luy  conseilleray  en  premier  lieu  de  mettre  poine  a  gaigner  sa  femme  k  ce  qu'elle  s'accorde  avec  luy.  Car  puis  qu'il  est  chef  d'icelle,  c'est  bien  raison  qu'il  la  conduise  au  chemin  de  salut  entant  qu'en  luy  sera.  Parquoy  il  ne  seroit  pas  licite  a  un  homme  Chrestien,  soubz  umbre  de  suyvre  l'Evangile,  d'abandonner  sa  femme  :  plustost  qu'il  travaille  par  tous  moiens  a  l'attirer  a  nostre  Seigneur  Iesus,  affin  que  tous  deux  luy  obeissent  d'un  commun  accord,  mesme  qu'il  ne  le  face  pas  seulement  pour  un  iour,  mais  qu'il  continue,  encores  qu'il  la  trouvast  dure  et  rebelle.  Davantage  qu'il  n'y  espargne  point  sa  vie  et  aussi  qu'en  faisant  son  devoir  a  l'enseigner  et  exhorter  il  prie  Dieu  qu'il  la  touche  par  son  Esprit,  comme  il  fault  bien  qu'il  y  besongne,  ou  tout  le  labeur  des  hommes  sera  inutile.  Si  on  demande  iusques  a  quant  un  tel  homme  doit  poursuivre,  ie  ne  puis  assigner  nul  terme.  Seulement  ie  l'advertiray  d'y  proceder  si  vertueusement  et  d'un  tel  zele,  qu'en  peu  de  iours  il  advance  tant  plus,  comme  aussi  Dieu  faict  valoir  une  telle  rondeur.  Tant  y  a  que  le  mary  ne  se  doit  fascher  de  la  longue  attente  ou  ne  doit  perdre  courage  voiant  durete  en  sa  femme:  moiennant  qu'il  s'abstiene  cependant  de  toute  idolatrie.  Car  il  ne  fault  pas  que  pour  attirer  sa  femme  a  Dieu  luy  mesme  sen  eslongne.  Au  reste  quant  il  aura  faict  tout  devoir,  s'il  ne  peult  habiter  seurement  au  pais  sans  se  mesler  parmy  les  pollutions  de  la  papaulte,  mais  est  contraint  par  persecution  menaces  ou  aultrement  d'en  sortir,  il  sera  tousiours  excuse  pource  qu'il  n'aura  pas  tenu  a  luy  quil  1)  La  signature,  qui  du  reste  n'est  pas  autographe,  manque  dans  B.  2)  Bibliotheque  de  Geneve,  God.  145,  fol.  144.  La  piece,  ecrite  de  la  main  de  Ch.  de  JonvillierSj  est  sans  Utre.  Une  traduction  latine  (Quae  ratio  a  pio  viro  teneri  possit  ubi  religionis  causa  domo  migrare  cogetur)  a  ete  inseree  dans  les  Epistolae  et  Hcsponsa  Genev.  1575  p.  344,  Laus.  p.  655,  Han.  p.  736,  Chouet  p.  473,  Amst.  p.  216.